200 miyembro ng SELDA at SENTRO nag-rally vs Prime Water
MANILA, Philippines — Nagsagawa ng kilos protesta ang nasa 200 miyembro ng mga grupong Small Entrepreneurs for Livelihood Development Association (SELDA) at Sentro ng Nagkakaisa at Progresibong Manggagawa (SENTRO) sa harap ng Las Piñas Hall of Justice matapos umanong mabigong mahanap ang tanggapan ng PrimeWater sa nakalistang address nito sa lungsod.
Ayon kay Jonathan Chua, tagapagsalita ng grupo, nagtungo sila sa isang gusali sa Philamlife Village, Las Piñas City upang ihain sana ang libu-libong reklamong may kaugnayan sa madalas na pagkawala ng tubig, mahinang water pressure, kwestiyonableng paniningil, at mga usapin sa kalidad ng serbisyo. Pero sinabi umano sa kanila ng mga tauhan sa lugar na matagal nang wala roon ang opisina ang PrimeWater.
Dahil dito, kinuwestiyon ng mga nagprotesta ang umano’y hindi updated na address na nakalathala para sa kumpanya at kung paano makapaghahain ng reklamo ang mga mamimili kung wala na pala itong operasyon sa naturang lokasyon.
- Latest
