Mahadlok manguyab
MEDYO MALDITO - Rowel Ucat (Banat) - October 22, 2018 - 12:00am

Medyo Maldito, ako si Frank, taga Mandaue. Naa ko’y crush kaayo nga babaye sukad pa atong bata pa mi. Karon nga nag-eskwela na mi, usahay di mi pareha og section, pero most of the time, classmates mi. Malipay gyud ko kun classmates ming duha. Ma-inspire ko’g eskwela kung naa siya. Ang nakasakit lang lagi, crush ra ko taman niya.

Daghan na siya’g na uyab pero gabuwag ra gihapon sila. Sakit hunahunaon nga sa kadaghan sa iyang nauyab, wala gyud ko naapil. Dili  man unta plite na’ng gugma aron ipasa-ipasa. Gusto unta ko nga akoa nalang siya aron di na siya masakitan. Wa siya’y uyab karon. Unsa ma’y angay nako’ng buhaton aron ma uyab nako siya? Mahadlok pud ko manguyab basin ma friendzone ra ko.

* * *

Ang gugma, mura na og sukli sa imong plite. Kung imoha gyud na, bisag kapila ipasa-pasa, padung ra gyud gihapon na sa imoha. Ayaw lang paghuwat ug pag-expect nga muabot na sa imoha bisan og wala  ka’y buhaton. Kung dili  ka gusto mailogan, istorya gyud nga imoha na. Sa volleyball gani, mo syagit man ka’g MINE aron di ka ilogan. Mao na’ng kung gusto gyud nimo nga ma imoha siya, lihok aron di ma ilogan sa uban. Sakto pud kaayo nga wa siya’y uyab karon. Pero samtang dili  pa siya imoha, ayaw sa gyud palabi ana imong gugma. Kay ang gugma, mura’g plite. Ayaw’g hatag og tibuok basin dili  ka masuklian. In love na kaayo ka niya pero siya, naa diay laing ganahan.

Pero kung di na ka gusto makita siya nga naa’y laing uyab ug kauban, lihok na. Kung dili  ka gusto makita siya nga heartbroken na pud, ayaw og huwat nga maunhan ka. Siguradoa lang nga ready na siya para sa bag-o nga relationship. Dili  tungod single siya, pwede na nimo siya panguyaban. Dili  raba tanang single, available. Basta Frank, dili  ka makahibaw kung ganahan ba siya nimo o dili, kung di ka mangutana. Sakit ma-friendzone pero mas sakit maunhan ka, unya wa gyud ka nakaingon sa imong gibati para niya.

CLASSMATES
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with