Selosa ang GF
MEDYO MALDITO - Rowel Ucat (Banat) - October 15, 2018 - 12:00am

Medyo Maldito, magpatambag unta ko nimo. Ako si John, 20 years old. Naa ko’y uyab karon pero long distance. Usa na mi ka tuig pero,  ang problema, usahay ra kaayo mi magkita.

Usahay, kausa ra sa usa ka semana. Tungod sa akong ka friendly, magsige siya og selos. Naay mga mo chat nako og “i miss you” pero siya ang mo- reply kay selosa kaayo siya. Iyang awayon ang mga mo chat nako ug iya pud i-block sa Facebook.   I-block niya og apil ang akong mga dugay na kaayo nga amiga.

Love nako siya pero usahay kay murag dili  na gyud healthy among relationship. Usahay nalang gani mi magkita, magsige pa gyud mi og away. Unsa ma’y maayo buhaton aron di na siya mag sige’g duda?

* * *

John, dili  man na magduda imong uyab kung wala gyuy angay dudahan. Ingon pa nimo, friendly kaayo ka.

Ayaw palabi’g ka friendly especially sa mga laing babaye. Magsige na’g chat ang mga babaye kay mag sige man pud ka’g reply. Ayaw basula imong uyab kon magselos siya.

Try to imagine, unsa imong bation kung imong uyab naa’y ka chat nga mga lalaki? Diba magselos man gyud ka? Ang relationship raba kay mura’g cellphone nga Nokia 3310. Naa’y snake, dili  gyud na sila mawala.

Pero kung wala gyud ka’y intention nga mangita og lain, pasabta siya. Ingna siya nga mosalig lang nimo.

Lisod kaayo nang relationship nga walay salig. Kung di mo mag-trust sa usa’g usa, mura mo’g cellphone nga walay signal. Igo nalang duwaan. Ingon ka, long distance ang relationship ninyong duha. Maong mas kinahanglan gyud nga magkasinabot mo’ng duha.

Kinahanglan mo mag- istorya  sa imong uyab. Sabta pud siya, John. Mahadlok lang gyud siya nga mawala ka sa iya. Kung gusto ka’g uyab nga dili  selosa, pangita og uyab nga dili  mahadlok mawala ka.

LONG DISTANCE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with