Pabuwagan ang uyab
MEDYO MALDITO - Rowel Ucat (Banat) - June 25, 2018 - 12:00am

Medyo Maldito, ako si Fred. Naa ko’y girlfriend sukad atong 17 pa ko. Nag-edad nako karon  og 21 ug uyab pa gihapon mi. Problema, wala pako ka graduate kay naa ko’y bagsak nga usa ka subject. Tungod ana, dili gyud ganahan akong parents nga mag-uyab uyab ko kay maka -distract lagi daw sa akong studies.

After 4 years, karon ra ko nila pugngan? Kahibaw na sila sa una pa nga naa nako’y uyab. Ila pa gani ko’ng binuangan kay mahal daw among tawagan. Pagkahibalo  nila nga naa ko’y hagbong  nga subject, didto sila nag start og ka-strict. Unsaon man nako og convince akong parents nga okay ra mag uyab-uyab bisa’g wa pa ko ka graduate?

* * *

Kung mahal nimo siya ug mahal pud ka niya, mas maayo nga mueskwela mog tarong kay mas mahal ang tuition. Ayaw lang gud mo pagdali. Kung unsay gusto sa inyong parents para ninyo, mas maayo nga inyo nang sundon. Wala  ka gibati og kauwaw?

Makig-date ka’s imong uyab, pero sa imong mama gihapon ka mangayog kwarta. Panguyab ra kung naa nakay kaugalingong kwarta pang-date.

Panguyab ra kung dili  naka kinahanglan mangayo og kwarta sa imong parents aron makalaag. Eskwela’g tarong. Ayaw palabi anang gugma labaw na kung imong grado, puwa pa’s heart. Puwede man nimo siya himuon og inspiration bisag dili mo uyab. Kung gusto gyud nimo i-prove sa imong parents nga okay ra mag-uyab-uyab bisag wala  paka ka-graduate, padak-a imong grado. Na-disappoint lang gyud siguro to sila pagkahibalo  nga naa kay hagbong nga grado.

Ayaw pagdali anang gugma. Kung love gyud nimo siya ug love pud ka niya, makahuwat man mo, di ba?

Ingon pa nila, true love waits. Kung dili siya makahuwat nimo ug kung makauyab na siyag lain, aw klaro nga dili  na true love. Unsaon man na nimong flat one sa gugma kung singko ka’s pag-eskwela. Kung muabot na ang time nga pwede na mong duha, pag-ampo lang nga pwede pa. Pero ayaw’g kabalaka. Kung kamo, kamo man gyud. Kung dili, pugsa.

UYAB
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with