Gikarma
MEDYO MALDITO - Rowel Ucat (Banat) - June 4, 2018 - 12:00am

Tinuod gyud siguro na’ng karma no? Kay nakigbuwag ko’s akong uyab two months ago. Naa ko’y classmate nga crush kaayo nako bisan og uyab pa mi atong akong ex. Di man unta ko dali ma in love pero na fall gyud ko niya. Daghan kaayo maka gusto niya sa school, ug ingon pud akong classmates nga playboy lagi daw siya.

Naa’y usa ka subject nga classmates mi. Mura’g na love at first sight ko ato niya bisan og naa nako’y uyab. Nangita ko’g way aron maistorya siya especially nga wa siya’y friends sa among class kay irregular student man siya.

Mao to, nakuha nako iyang number. Nahibaw-an nako nga single siya mao’ng naka ingon gyud ko’s akong kaugalingon nga naa mi chance duha. Siya ang reason nganong nakigbuwag ko’s akong uyab kay unfair pud baya nga uyab mi unya naa pud ko’y laing gusto.

Nag sige nami’g text text ni crush ug magsige mi og dungan og lunch. Bisan kahibaw ko nga bisa’g kinsa ra iyang gadal-on sa iyang boarding house, nagpa-blind blind ra gyud ko kay kahibaw ko magbag-o siya kung mag-kami na.

Pag new year, ni confess ko niya. Giingnan nako siya sa chat nga love nako siya. Iyang gi-reply nako kay “AYAW’G BINUANG DIHA. FRIENDS BAYA TA. MURA NA KA’G IGSUON NAKO.” Sakita bitaw, Medyo Maldito. Naka confess ko niya kay kung mag- sweet sweet ko’g messages, mo reply pud siya nga sweet pud. Gibinuangan raman diay ko. Grabe ako’ng hilak ato’ng New Year. Pagbalik na’s klase, nisuway nako og likay niya. Unsaon ko man ni nga di ma- awkward akong tinagdan niya? Gusto ko nga mobalik mi’s una. Mary Ann.

* * *

Mary Ann, sure ka na in love ka ato imong ex? Paspasa gud nimo naka-move on. Aw sakto, kay sa wala pa mo nagbuwag, naka-move on naman diay ka. Naka-move on ka kay naa ka’y classmate nga bisan og klaro na kaayo’ng playboy, didto ra gihapon ka niya.

Nagpa-blind-blind ra ka. Kung mapalit lang ang third eye, palitan nako na imong kasing-kasing aron di na ka magsige og pabuta-buta. Ayaw na sige’g pa-blind blind kay di ka buta.

Kung single siya, dili  pasabot nga pwede na mo’ng duha. Dili  tana’ng single, available. Tan-awa, gibinuangan ra ka. Ayaw’g hilak kung gibinuangan ka. Binuang gani, di ba? Ikatawa na lang na. Siya siguro imong karma. Gi-friendzone ra ka niya. Pero okay ra na’ng ma-friendzone kay at least, friends mo. Ang uban, wala gud  nila naila-ila ang tawong  ganahan nila. Kung gusto ka nga pareha ra gihapon mo’s una, ayaw pag-awkward-awkward diha. Tagda gihapon siya. Kung dili  ka niya tagdon, awaya! Ingna, “Ingon ka friends ta? Nga mura ta’g igsuon duha? Nganong di man ka managad?”

UYAB
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with