Ikaw ang bituon sa akong lawod
Sugilanon - Tomas Degum (Banat) - April 4, 2018 - 12:00am

Daghan ang gianugnan sa panagbuwag nilang Ramil ug Linda. Dugay na man god ang ilang relasyon. Tingali, hayiskul pa sila nagkahigugmaay na ang duruha, apan naunsa ba nga si Linda duna na may laing kuyogkuyog nga ulitawo nga taga lungsod ug kini mao si Rolando. Ug si Ramil usab duna poy gikuyogkuyog nga laing dalaga nga taga silingang baryo. Ug matud pa, mora’g nagpasuyaay lang kuno ang duruha. Ug hangtod nga didto na sila sa kolehiyo ug nahilom ang tabitabi bahin sa lakat sa ilang mga gugmahong kalihokan.

Si Linda didto na motungha sa Manila ug si Ramil dinhi sa Sugbo. Unya, pagpanglabay sa daghang katuigan, si Linda usa na ka magtutudlo sa usa sa mga tunghaang publiko sa ilang lungsod dinhi sa San Mateo ug si Ramil usab usa na ka marinero kay Nautical man ang kursong iyang gikuha. Unya, miabot ang pangilin sa ilang lungsod, nagkita sila si Ramil ug Linda. Misamot ka guwapo si Ramil ug ingon man si Linda misamot ang iyang kaanyag nga mga hingkod na sila.

“Linda, ikaw ni, kaingon ko ba’g si Liza Soberano,” tiaw ni Ramil sa dalaga nga kalma lang kaayong mitutok sa ulitawo.

“Ikaw god, Ramil, guwapo na kaayo ka karon, mora ka pud og si Enrique Gil,” mibawos pagtiaw si Linda. Unya, nangadto sila sa plaza ug didto, ilang gihisgotan ang ilang nangagi.

“Lin, gituman gyud nako ang imong gitambag nga humanon usa nato ang atong kurso ug karon nia na ta, pulos na ta mga propesyonal. Linda, sa matag lawig sa barko nga akong gisakyan, gihandom ko ikaw kanunay, kay ikaw man ang bituon sa akong lawod,” gikuptan ni Ramil ang suwang sa dalaga.

“Ikaw  pod, Ramil, ang akong inspirasyon, wala na koy lain pang gugma, kondili ikaw lamang,” seryoso ang tingog ni Linda.

Unya nabatyagan ni Linda nga didto’y bituon sulod sa iyang kasingkasing dihang gihagkan ni Ramil ang iyang mga ngabil. Panadtaran, San Fernando, Cebu

(Kataposan)

LINDA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with