^

Banat Kalingawan

Bunga sa kasina

Samuel Petallar Agbo - Banat

Nahidagma ang usa ka ermentanyo ug gipabarog ni Nimbert. Nagpasalamat dayong lakaw sa unahan.

Usa ka adlaw niana nanagat si Nimbert. Didto siya padulong sa duol sa dakong bato nga tiniman-an sa dasok nga mga kinhason.

May nasiplatan siyang itom nga budyong kinhason nga walay unod. Iya kining gisulayan og huyop ang laki niini. Nilanog ang tingog sa itom nga budyong.

Apan sa kalit lang ningsiga ang mga mata ni Nimbert tungod kay nanggawas ang mga kinhason sa dagat.

Nakasabot ang ulitawo nga ang birtud sa maong budyong, mao lang ang  pagtayhop sa liki niini. Daghan siya’g kuha ug niuli sa  ilaha nga malipayon.

Tungod sa birtud sa itom nga budyong bahandianon na si Nimbert. Unya niadto siya sa lungsod aron mopalit og mga kagamitan sa panimalay.

Apan wala niya mabantayi ang suod niyang higala nga si Osyok nga nagpaniid sa iyang kalihokan labi na sa butangan sa itom nga budyong.

Giunay si Nimbert sa suod niyang higala kay nasina sa katigayonan nga nakuptan. Nakuha gyud ni Osyok ang itom nga budyong.

Wala maglangan nanagat si Osyok dala ang itom nga budyong nga gikan ni Nimbert. Naglibog siya unsaon paggamit. Iyang gibutang sa dagat, pero wala’y timailhan nga nay kaayohan.

Nakahukom si Osyok nga tayhopan ang liki sa itom nga budyong. Nahaigpot siya kay nanggawas ang mga kinhason sa dagat. Nalipay si Osyok ug natawo sa iyang hunahuna nga mahimong sapian ug ugma damlag.

Apan sa tantong paghudyaka nigahi ang iyang tibuok kalawasan. Naigking siya tungod kay kalit niguho sa dagat ang usa ka ermetanyo ug nitutok kaniya.

“Dong, dili maayo ang imong gibuhat sa pagkuha sa itom nga budyong tungod sa kasina”, matud sa ermentanyo. “Angay kang masayud, ako ang tag-iya niini”.

“Ermentayo, nagduda ko nga ikaw ang nagmugna sa akong gidangatan” ni Osyok. “Prangkada pagka estorya nasina lang ko sa bahandi ni Nimbert.”

Wala paabota nagkaanam og ka usab ang bayhon ni Osyok hangtod nga nahimong estatuwa sa dagat nga maoy bunga sa kasina. (Katapusan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with