Dili igsapayan ang kapakyas
Sugilanon - Tomas Degum (Banat) - February 26, 2018 - 12:00am

Kon nahitabo nga duna siya’y trabaho tingali siya gyud ang pilion ni Esterlina. Si Felipe maoy gipili ni Esterlina, ug maoy nahimo niya karong bana. Nalipay pod si Otik nga tua si Esterlina mahipunta sa lalaki nga makahatag kaniya’g maayong ugma. Kuwartahan kini si Felipe kay usa ka doktor ug dunay klinika sa lungsod. Ug siya si Otik, anak lang og mananagat ug labandera.

“Ayaw lang kaguol, anak, nga si Esterlina naminyo kang Doktor Felipe kay sila man maoy bagay ug dili kamo. Maestra si Esterlina samtang ikaw wala kahuman sa kolihiyo, mag-unsa ang gugma kon magkalisudlisud ang inyong pagpuyo? Kay ang bana ra ba gyud ang maningkamot nga moasenso ang pamilya ug dili ang asawa, kay ang asawa abag manlang, alalay lang sa bana...” Nagkanayon ang iyang Nanay Magda.

Husto si nanay niya Magda, ni Otik sa hilom, ug nakahukom nga kalimtan na lang si Esterlina kay tua na man kini sa mga maayong bukton.

Unya misulod si Otik pagka tindero sa usa ka mall ug matag Sabado lang siya mopauli sa ilaha o di ba kanang tapos sa buwan kay suweldo man niya ug iyang dad-an og mga pagkaon ang iyang mga ginikanan.

Milabay ang daghang katuigan, gisuwerte si Otik kay nakadaog og lotto ug nahimong milyonaryo. Ang kuwarta iyang ginegosyo ug gisuwerte siya sa iyang negosyo kay milampos man. Karon naila na si Otik nga usa sa mga adunahan dinhi sa ilang lungsod. Si Esterlina nabiyuda kay si Doktor Felipe namatay kay nabangga ang iyang kotse.

“Esterlina, pagka lawom gyud sa tanghaga nga gihatag kanatong duha ni Bathala. Ikaw, usa na ka biyuda ug wala’y anak, ug ako ulitawong guwang ug dato na. Dili man tingali ngil-ad kon idugtong nato pagbalik ang nabugtong kutay sa atong gugma. Kay ikaw lang gihapon ang nia ning dughan,” ug gikuptan ni Otik ang kamot ni Esterlina. (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with