^

Banat Kalingawan

Santa Klaus nga engkanto

Samuel Petallar Agbo - Banat

“Iyo, dawata kining pagkaon nga gikan sa kumbira!” ni Nelyo. “Mabusog naka niana ug ang uban dad-on nako sa amoa”.

“Dong, salamat sa imong paghatag, kay matambalan ang akong kagutom,” matud sa tiguwang nga lalake dayong lakaw.

Wala maglangan nipauli si Nelyo sa ilang pinuy-anan. Apan nihilak ang ulitawo kay ni daot ang iyang amahan nga si Rigor tungod sa sakit nga hubak ug kutas ang  pagginhawa. Samtang ang iyang inahan nga si Bebang nitulo sab ang mga luha kay naluoy nga nagtan-aw sa iyang bana. Wala maglangan nangaon sila sa dala nga pagkaon ni Nelyo nga gikan sa kumbira.

Pagka sunod adlaw pasko na gayud. Unya nilakaw ang ulitawo aron mohulam og kwarta sa iyang silingan aron ipalit og tambal sa masakiton niyang amahan. Pero wala gyud pahulama si Nelyo ug poypoy ang abaga nga padulong mouli sa ilaha nga nidagayday ang mga luha sa kaapingan. Ingon sa nawad-an siya’g paglaum.

Apan sa kalit lang may taghoy siyang nadungog. Iyang gilingi ang tag-iya sa taghoy ug wala’y tawo nga nakita. Taudtaod napugwat si Nelyo kay may nilupad nga teknikolor nga langgam nga hilabihan ka dako nga nilabay sa iyang atubangan. Dangta’g pipila ka minutos may nagpaingon kaniya nga usa ka baboy’ng itom nga ang sakay niini, mao ang nagsul-ob og sapot sa Santa Klaus. Nagdala’g kahon ug ang sulod mga binaritang bulawan ug dyamante.

“Dong, dawata kining kahon ug makwartahan naka niana!” matud sa Santa Klaus. “Angay kang  hatagan kay buotan ka!” Gihukas niya ang sapot aron mailhan.

“Manoy, ikaw..?” Nakurat si Nelyo. “Ikaw si Santa Klaus? Ayaw kabalaka sa imong bahandi nga gihatag kay akong hatagan ang mga kabos ug labi na gayud sa akong amahan nga masakiton!”

“Dong, nakapasar ka nako sa pagsulay pinaagi sa pagpakaon nako. Angay kang masayud, sa among kalibutan ako ang Santa Klaus nga engkanto! Catarman, Cordova, Cebu

(Katapusan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with