^

Banat Kalingawan

Itom nga kabakaba

Sugilanon - Samuel Petallar Agbo - Banat

Sayo sa buntag nipalit og Banat News si Meldred sa ilang Ceria Titing nga naninda sab og lugaw sa merkado sa lungsod. Unya giduol ang dalaga sa iyang hinigugma nga usa ka doktor nga si Riel.

“Salamat kanimo, Riel, nga nituman sa saad,” ni Meldred. “Hinumdomi nga gihigugma ko ikaw.”

Wala maglangan didto na sa Manila ang ulitawo. Unya daghan na siya’g mga pasyente. Ug kilab sad ang dagan sa mga adlaw gimingaw si Riel sa iyang hinigugma.

Untop alas 12:00 sa tungang gabii niadto siya sa operating room. Apan sa kalit lang nakurat ang ulitawo kay niabli ang bildo nga pultahan sa operating room nga walay tawo nga nakita. Dangta’g pipila ka segundos ningsiga ang mga mata ni Riel kay may nakita siyang usa ka dakong kabakaba nga nagpadulong kaniya. Gisakdapan ang iyang ngabil hasta sab ang kaapingan. Gibati’g kakulba ang ulitawo tungod sa nabati nga balita nga ang usa ka barko nga depasaheroan nalunod sa panagbangga.

Taudtaod nanglurat ang mga mata ni Riel kay nakita niya si Meldred nga nagpaingon kaniya. Nahibulong ang ulitawo nga sa kagabhion nibutho ang dalaga nga wala magpahibalo kaniya.

“Meldred, nganong nia ka? Pangutana ni Riel.

“Nia ko tungod sa gugma, Riel,” ni Meldred.

“Mao ba? Pero ka kalit ba sa imong pagduaw nako?” ni Riel.

“Wala nay panahon, Riel, kay naa koy importanteng lakton. Moadto ra ko sa unahan,” ni Meldred.” Ayaw kabalaka mobalik ra ko!”

Tuod nilakaw ang dalaga pero nipasalig nga mobalik. Wala paabota sa pipila ka minutos ang nilabay may niabot nga pasyente nga tinabunan sa puti nga habol. Sa pagkutas sa puti nga habol, ningaab sa paghilak si Riel, kay si Meldred man diay ang iyang pasyente nga patay na.

“Meldred, ngano man nga imo man kong gibiyaan? Wala ko magdahom nga kalag na man diay ka nga akong gika-estorya kaganina. Nakaagpas nako...kadto diay’ng dako nga itom nga kabakaba, mao na diay kadto ang tilimad-on nga ikaw mawala  nako sa dayon!” (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with