^

Banat Kalingawan

Paglalin - Gula 142

BIRHEN SA KALAPOKAN - Dro Arts - Banat

"Mama," pulong ni Ferdie nga mihikap sa buko-buko sa inahan.

"Kadrama ba oy wa ko maanad mao na hilig motan-aw og mga telenobela lami kaayo'g dialogue uy pang Metro Manila Film Festival. Pang best actress ang peg. Ewww cheapipay," matud pa ni Diane nga dili gyud kapugong sa baba. Gilingi lang siya'g kadiyot ni senyora Conchita mibarog ug hinay'ng migawas gikan sa balay nahibulong si Ferdie sa gipakitang lihok sa inahan. Samtang si Diane nangyam-id lang dayon misaka sa taas ug misulod sa kuwarto mao na lay nadunggan ni Ferdie nga may sakyanan nga miandar ug nagpalayo gikan sa ilang panimalay nanghupaw si Ferdie. Kalit nga nahinumduman ni Ferdie ang asawa dali kining giadto sa ilang kuwarto mao gyu'y misugat sa mata sa lalaki ang asawa nga namilo sa iyang mga senina ug gisulod niini sa maleta.

"Unsay buot ipasabot niini ling? Nganong gipanghipos mo ang imong senina?" matud pa ni Ferdie, "wa na koy luna ining baya dili ko angay dinhi," matud pa ni Mylene nga nagpamahid sa iyang mga luha. "Unsay buot mong pasabot? Makigbuwag ka nako?" ni Ferdie nga miduol sa asawa. "Dili ko mahimong buwagan ang lalaki nga maoy tanan alang nako," matud pa ni Mylene nga mitan-aw sa bana nga nagsige gihapon og tulo ang luha. Nan unya unsa may buot ipasabot niini?" matud pa ni Ferdie. 

"Magpalayo lang una ko nimo," matud pa ni Mylene.

"Unsa? Mylene ang imong pagpalayo nagkahulogan sab kana nga makigbuwag ka nako," matud pa ni Ferdie. ""Lahi ang buwag ug lahi ang pagpalayo agdon lang nato ang panahon," matud pa ni Mylene. "Ug asa ka man paingon?" pangutana pa ni Ferdie.

"Ayaw na pangutana kay wa kay makuhang tubag nako anang pangutanaha," matud pa ni Mylene.

Samtang sa laing bahin usab maoy nahukman usab ni Kyle nga hinay-hinayon sa pagdala ang mga gamit nila ni Pia ngadto sa giingong lugar diin adto na sila mamuyo. Gihatagan nang daan og sketch ni Mylene si Kyle lakip na ang yawi sa balay aron adtuon ang maong dapit. Tuod man giadto nila ni Kyle ang maong balay sa Santander dako ang maong balay ug may dakong hawanan pa may taas usab nga gate. Layo ang maong lugar sa national road lisud tuod nga tultolon.

Bug-os na ang ilang hukom nga mamuyo sa maong dapit samtang si Kyle usab nakahukom nga magpadayon siya sa iyang pag-eskwela sa college apan dili na sa Cebu City kun dili adto na kini sa Negros mo-eskwela pagtiwas. Maoy nasabotan nga every weekend lang siya mopauli sa Santander. Mi-resign na sab si Mylene sa iyang pagka maestra nahakot na ni Pia ang mga gamit. Andam na ang tanan sa ilang paglalin. Misaad si Mylene nga tabangan si Pia sa mga kinahanglanon alang sa mga tambal sa masakiton niyang amahan. Motabang usab siya aron makapadayon sa pag-ekswela ang iyang mga manghud. Dako-dako ang tinigom ni Mylene sa bangko makaya ra niya ang pagbuhi sa pamilya ni Pia ug pagpa-eskwela ni Kyle pagtiwas igo ra sab siguro ang iyang natigom hangtod nga makatapos si Kyle sa kursong gikuha niini ug unya makatrabaho. Milabay ang usa ka semana sukad niadtong adlaw sa konprontasyon nila ni Mylene ug sa iyang ugangang babaye. Wala na mopakita pa sa ilang panimalay ang senyora. Mao na lay ilang nasayran nga miadto kini sa usa sa ilang resorts sa San Remigio diin benefactor ang senyora sa simbahan didto sa maong dapit.

Adlaw nga igikan ni Mylene paingon sa Santander, wala diha ang iyang bana kay may giasikaso sa ilang negosyo wala usab si Diane kay tua sa barkada naabot si Kyle nagpahibawo nga nahatod na niya ang pamilya ni Pia sa Santander diha sila sa sala nahisgotan ni Kyle ang apohang babaye.

"Moabot pa kaha ang adlaw nga dawaton ka ni lola ma ug dawaton na mi si Pia sa hingpit?" mga pangutana ni Kyle. (Sumpayan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with