^

Banat Kalingawan

Resignation

BIRHEN SA KALAPOKAN - Dro Arts - Banat

Gula 135

"Sige sumbong ngadto sa imong apohan wa ko mahadlok Diane," matud pa ni Mylene. Daling mipalayo si Diane gipuntarya ang iyang kuwarto ug gibundak ang pultahan milingo-lingo na lang si Mylene tungod sa gipakitang batasan sa anak. Sa huna-huna ni Mylene diin maliwat si Diane nga hawod man kini ka maldita? Nahuna-huna na hinuon niya ang iyang manghud nga si Lenny tingali didto kini maliwat sa iyang manghud pun-an pa sa iyang ugangang babaye nga hawod usab ka mata-pobre. Kun dili pa lang unta professional si Mylene dili sab tingali siya dawaton niini nga mamahimong parte sa pamilya. Usa ka magtutudlo diin gipakasama ni Senyora Conchita nga usa ka propesyon nga angay'ng ipasigarbo kay ang maong propesyon mao man unta ang gusto sa senyora apan tungod lagi kay maoy gusto sa ginikanan niining insik nga commerce ang kuhaon kay maoy naglatay sa ilang dugo ang pagka negosyante kini na lang sab ang gipili niyang propesyon-- ang pagka negosyante. Gililong nila ni Ferdie ang mahitungod sa iyang kaagi. Nasayod man tuod ang pamilya ni Ferdie nga ilong twapos na si Mylene apan wala masayod kun unsa kini ka pobre. Diin ang iyang pagka-dancer sa club maoy nahimong paagi aron makatapos siya sa iyang pagtuon ug nahimong magtutudlo sa usa ka pampublikong tulonghaan sa siyudad sa Lapu-Lapu City. Ang maong propesyon nga maestra maoy damgo ni Mylene sa bata pa siya diin nahatagan og katumanan tungod sa kaugalingong pagpaningkamot. Dugay na nga nagsige'g hangyo si Ferdie nga moundang na siya sa iyang pagka-maestra kay malambuon man kaayo ang negosyo sa bana apan kay lagi pasyon man ni Mylene ang pagtudlo, way nahimo ang bana. Mao nga sakit sa buot alang kang Mylene nga biyaan niya sa hingpit ang maong propesyon sa hinungdan nga may ibutyag siya nga kamatuoran nga dugay na nilang gitipigan. Nahuna-huna nga kun matribukar ang tanan dili na siya maayong panag-ingnan sa uban ilabi na sa mga estudyante kay mahibawo man gyud ang eskwelahan sa iyang ibutyag unya. Andam niyang isakripisyo ang pagkamagtutudlo tungod ug alang sa iyang anak nga maoy labing importante sa iyang kinabuhi. Nanumbalik kang Mylene ang mga adlaw sa iyang kagahapon sa bata pa ingon og gipapas-an siya sa bug-at kaayong palas-onon. Dihang naminyo siya kang Ferdie nagtuo siya nga nahaw-as na gikan sa iyang abaga ang palas-non. Oo, gibati niya ang kagaan apan karon nahibalik sa iyang abaga ang maong kabug-at kini gumikan ra usab sa kamatuoran nga gililong nila sa pamilya sulod sa hataas nga panahon. Nahuna-huna ni Mylene nga mas maayo pa lang unta to nga sa sinugdanan pa lang iya nang gisulti ang tinuod niyang pagkasiya hingpit gyud unta  mawala ang kabug-at sa iyang gibati. Apan gugma niya ngadto kang Ferdinand ang nagtukmod kun nganong gi-uyonan niya ang desisyon ni Ferdie nga itago sa pamilya ang tinuod nga pagkasiya. Usa ka desisyon bugti sa pagsulod ni Mylene sa ilang pamilya nga mamahimong parte niini. Pagdesisyon nga sa paglabay sa panahon nagkabug-at ilabi na kay ang pinanggang anak nahigugma sa babaye nga  sama kaniya. Babaye nga nabuhi diha sa kalapokan.  Kalit nga naputol ang paghanduraw ni Mylene sa nangagi dihang may mihalok sa iyang ulo. Paglingi pa niya si Ferdie nga gikan sa byahe.

"Nia kana diay?" ni Mylene pa gitutokan ni Ferdie ang usa sa mga papel nga naa sa center table.

"Mo-resign kana sa imong pagka maestra?" ni Ferdie pa nanghupaw si Mylene.

"Oo Ferdinand mo-resign na ko sa DepEd moundang isip magtutudlo," desididong pulong ni Mylene mipahiyom si Ferdie ug migakos sa asawa.

"Salamat kay sa kataposan nakahukom kana gyud dugay na kaayo kong sige'g hangyo nimo nga moundang na kay nakita nako nga stress ka sa trabaho. Mas maayo pa nga tabangan na lang ko nimo sa atong negosyo ug salamat kay mipatuo kana nako ining higayona," matud pa ni Ferdie.

"Nalimot ka ba sa akong giingon nimo? Nga mo-resign ko sa akong pagka-maestra kay miabot na ang panahon nga iyagyag ta nila ang dugay na natong gitaguan?" matud pa ni Mylene. (Sumpayan)

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with