^

Banat Kalingawan

Panag-abot

BIRHEN SA KALAPOKAN - Dro Arts - Banat

Gula 131

"Si Lola nimo ang nanawag?" pangutana ni Pia nga nahibulong sab.

"Unsa man kahay tuyo ni lola nga nanawag man ining orasa sa kaadlawon?" pagkahibulong usab ni Kyle nagsige gihapon og ring ang cellphone sa ulitawo busa gitubag niya kini.

"Hello la? Nanawag ka man?" ni Kyle.

"Ang tingog mo mura'g wala gikang natulog  hain ka ba?" matud pa sa apohan.

"Ha? Kuan, ahmm.. kuan lola didto lang ko sa akong barkada nia padulong na kong mupauli," matud pa sa ulitawo.

"Kaha? Oo kuyog mo ang hugaw nga babaye?" matud pa sa senyora.

"Ha? Ahmm.nganong magkuyog man mi  nga wala man mi magbalik? Iya na kong gipalay-an," pag-deny pa sa ulitawo.

"Really? Wala mo magkuyog alright," matud pa sa tiguwang nga may laing tono, tono sa pagduda.

"Nganong nanawag ka man ining orasa lola?"pangutana pa ni Kyle.

"Ugma mag salo-salo ang pamilya sa atong resort sa Catmon ang tanan gyud kinahanglang naa okay? Sige hijo, bye," ug gibutang sa senyora ang pikas linya nanghupaw na lang si Kyle.

Dihang nahatod na ni Kyle ang hinigugma sa ila mipauli na sab kini sa apartment ug mipahulay hapon na nga nakamata ang ulitawo kay wala man say klase. Mingaw ang apartment maoy naa sa huna-huna sa lalaki nga wala diha ang iyang manghud, basin og milaag na sab kini uban sa social niyang mga barkada nakahuna-huna ang lalaki nga muadto sa iyang lola.

"Unsang hangina ang nagdala mo dinhi sa mansiyon  Kyle?" matud pa sa iyang apohan.

"Ngano la di ka ganahan nga duawon tika?'" matud pa sa lalaki.

"Aw, mahibulong man lang gud ko kay dili manka muduaw nako kun dili ka nako ingnon," matud pa sa senyora.

"Ganahan lang muduaw dinhi sa mansiyon, matud pa sa ulitawo.

"Gigutom ka? Magpaandam ta'g makaon sa katabang," pag-offer pa sa senyora.

"No lola, okay ra ko," pagbalibad sa ulitawo may migawas sa library may bitbit nga libro si Diane nga nagpakli-pakli sa mga pahina. Wala makabantay nga naa ang maguwang sa mansiyon. Nagkanayon nga padayon nagtan-aw sa mga pahina sa librong gigunitan,

"Basta mao na to la ha nahibawo na ka sa nahitabo sa panagbalik sa maayong laki kong maguwang ug sa uyab niining prosti," matud pa ni Diane.

"Daan pa gyud ko nga misumbong ka gyud ni lola," matud pa ni Kyle daling mitan-aw si Diane sa namulong.

"Nia ka sa mansiyon?' matud pa ni Diane nga nahingangha.

"Nakurat ka? ngano? Dili pwede nga muanhi sa mansiyon? Dili lang kay ikaw ra ang apo ni lola ug lolo," matud pa ni Kyle.

"Sige lola adto na ko, byerz! Mitalikod si Diane paingon sa gawas apan nasumbalik sa iyang agi dihang gilanot siya ni Kyle.

"Diri!! Umm" si Kyle nga mibira sa manghud.

"Kuya unsa ba? Gisakitan ko," ni Diane pa nga milugnot. "Buhii kanang manghud mo Kyle.. ngano bang ka bayolente na ba nimo?" matud pa sa apohan.

"Nabayolente na siya kay natakdan sa way breeding niya nga uyab!" Matud pa ni Diane.

"Tinuod ba Kyle nga nagbalik mo adtong Pia?" matud pa sa senyora.

"Wala lola wala mi magbalik," Pag-deny pa ni Kyle.

"Bakakon!!! Umm." Sa senyora nga misagpa sa ulitawo. (Sumpayan)

 

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with