Rape plan
Sugilanon - Fredrick F. Gelbolingo (Banat) - September 14, 2016 - 12:00am

Kulba-hinam ang gibati karon ni Rayos, nga naghupo-hupo sa kabugangan--ang agianan ni Imelta, nga natingban sa iyang dautang laraw. Usa ka dalaga, gwapa, puti, sexy, maayong mosayaw ug mokanta. Muse sa ilang classroom.

Wa lang gyud niya panumbalinga ang kahait sa mga amorsiko nga nanuslok sa iyang panit nga ang kahait milapos sa gipangsul-ob niyang short ug t-shirt. Kun wa pa lang siya bugal-bugali ug pakauwawi di man ta ni niya buhaton ba. Dobidobibo! Bidobido! Dobidobido! Bidobido! Bidowa! Nagkanayon ang soundtrack sa ulo ni Rayos, dihang nakita na sa iyang panan-aw si Imelta nga nagpadung na sa iyang gitagoan. Misamot ang kulba-hinam niyang gibati. Kulba kay unang higayon kining dinautan niyang buhaton. Hinam kay pila ka segundo na lang matilawan na niya ang kaanindot niini. Busa, nangandam siya, gipraktis na niya sa hunahuna  unsaon niya pagsap-ong ang baba niini aron di makasyagit. Nahinumdom siya sa komedya nganong wa mosyagit si Petra, dihang gilugos ni Petro, kay gi-lips to lips diay kuno. Busa wa na kini niya buwagi sa iyang panan-aw. Apan sa kalit lang may utitod nga namahit sa iyaha nga wa kasul-obig brief, dali kini niyang gikuot ug gitisod. Pagbalik niya'g tan-aw kang Imelta, aduna diay kini kuyog, ang iyang uyab nga mao pod ang prince charming sa ilang classroom nga ning tungora nag-gakos ug naghalok na. Wa na siya'y mahimo kun di  pagkuot na lang sa iyang panyo.

"Husto na Rem!" matud ni Imelta. Nakita kini niyang milugnot sa iyang uyab apan gigakos kini'g hugot sa iyang uyab. Wa gyud kini buhii bisa'g mikisikisi na kini sa pagdumili. Sa way langan nangumo si Rayos, ug kusog kining gipalupad padung kang Rem, nga nakapalagpot og layo ni Rem. "Salamat, Rayos," ni Imelta nga migakos kaniya "pasayloa ko sa akong bating tinagdan nimo. Abi ko'g manglulugos ka, siya diay ang manglulugos."

 Natuk-an si Rayos, dayong ngisi "okey, lang." Ug mihunghong "nya, uyab na ta." "Hmp!" matud sa babaye sa lami nga pahiyum.  (Kataposan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with