Love story

Dear Banat News Hugyaw,

Hello diay sa tanang readers sa sikat kaayo nga mantalaan, ang Banat News! Ako diay si Ian, 26 years old ug taga Lahug, Cebu City

Ako lang  i-share  ang akong lovelife , nga napakyas dili pa lang dugay. Nagkabuwag mi sa akong uyab nga si Yangyang sa miaging buwan lang gyud.

Nag-work ko isip engineer sa usa ka company nga nahimutang  dapit sa Ayala.  Upat na ka tuig ang relasyon namo ni Yangyang busa wala ko magdahom nga kalit lang kini maputol

Nagkaila mi ni Yangyang kay classmate nako siya pag-high school. Ug pagkahuman namo og college, nagkaabot mi sa reunion, nagkasuod hangtud nga nagkauyab gyud. Lami kaayo ang dagan sa among relasyon, gani, wala na ka’y ko’y time sa akong  barkada  kay sige na lang ko og uban niya.

Usahay, mangluod na lang ang akong barkada kay lage, tagsa ra ko mouban kanila.  Kanunay nako kuhaon si Yangyang sa iyang trabahoan , halos magdungan mi og dinner  kada adlaw. Laktod pagka-istorya, mura na gyud og gatuyok ang akong kalibotan kaniya kay magsige na man lang mi og kuyog.

Naabot sa punto nga kalit bitaw nga murag lahi na man ang linihokan ni Yangyang, ug didto akong nasakpan nga duna siya’y laing lalaki.

Ako unta siya nga buwagan, pero nag-sorry man siya, ug ako na lang pud siya nga gipasaylo kay love lage nako. Nisaad siya nga dili na mousab sa iyang gibuhat ug natintal ra daw siya maong nakabuhat siya og ingon ato.

Nibalik na pud sa normal ang dagan sa among relasyon, nibalik ang ka-sweet namo sa usa’g-usa.

Daghan na gud ang nakaingon nga mura daw mi og magtiayon, kuwang na lang daw kay magpakasal mi. Pag-miaging tuig, nagplano na gyud mi nga magpakasal, ug namayi ko sa iyang pamilya .

Target unta namo nga magpakasal karong January 2017, ug nasugdan na gyud namo ang ginagmay nga plano alang niini.

Wala nako damha, sa miaging buwan,  nasakpan na pud nako pinaagi sa  text message si Yangyang nga duna’y gikairing-iring . 

Giangkon niya nga nakasala na pud siya kanako ug nagpakiluoy siya nga ako siya nga pasayloon.

Sakit baya iyang gibuhat, wala nako magpadala sa iyang pakiluoy, ako na gyud siya nga gibuwagan.

Wala siya’y mahimo, nidawat lang gyud siya sa akong desisyon. Kaduha na man gud ni niya buhata ug makaingon ko nga dili gyud siya loyal kanako kay moduwa pa man siya og lain.

  Wala pa ko ka-move on hangtod karon, pero ipaneguro nako nga mahupas ra kini  puhon. Request lang ko sa lyrics sa Before I Let You Go by Freestyle.

Hi Ian! Thank you so much sa imong LOVE STORY! Paabuta ugma puhon ang imong request.