Love story

Dear Banat News Hugyaw,

Hello sa tanang readers sa paborito nako nga Banat News! Ako diay si Arianne, 27 years old ug taga   Mandaue City.

Ako lang  i-share akong lovelife  nga nawala na. Usa ka tuig kapin nako nga wala’y uyab ug siyempre dili gyud ko kalimot sa last nako nga nauyab.

Siya si  Christian nagtrabaho siya  sa  usa ka IT  company, pareho mi og edad ug nagpuyo siya sa Capitol Site. Pag-una gyud nako og kakita kang Christian, mura na gyud ko og malanay tungod sa   iyang ka-guwapo.

Nakit-an nako siya dapit sa amo, kay friend sila sa akong silingan nga si Joachim nga  nag-birthday ug usa siya sa mga bisita.

Kay giimbitar man sad ko sa nag-birthday, busa nagkaabot gyud ming duha ug na-starstruck gyud ko niya.

Wala gyud ko mosaba  bisan kinsa, nga na-crush ko kaniya  kay  mauwaw gyud ko.   Ug sa iyang kaguwapo, sure ko nana gyud siya’y uyab. Gipaila-ila ming duha, gitago nako akong gibati nga nag-ambak ambak tungod sa kalipay.

Wala gyud ko nagpahalata nga nag-heart heart na akong mata. Hilumon siya nga pagkatawo, maong dili na lang pud ko makig-istorya niya, kay abi pa lang, feeling close ko nga pagkatawo.

Aduna’y mga adlaw nga nagka-jam mi sa higala ni Christian nga si Joachim  ug didto nisulti ko  nga na-crush ko sa iyang friend. Nikatawa si Joachim ug gisungog ko niya og maayo, niana siya nga pakuyugon niya si Christian sa sunod namo nga mga laag.

Nagka-uban gyud mi sa mga laag hangtud nga nagpinangayoay mi og numbers.  Lipay kaayo ko kay nagkasuod mi sa akong crush ug niangkon na gyud ko niya about niini. Human sa taas nga panahon nagkauyab gyud mi ni Christian ug samtang nagdagan ang among relasyon sulod sa duha ka buwan, niangkon ang iyang higala nga si Joachim nga naa na diay uyab si Christian.

Niana si Joachim nga dugay na unta siya gusto mosulti, apan naikog lang siya mosulti nako kay suod sila ni Christian ug tan-aw niya happy kuno kay ming duha,

Laktod pagka-istorya gikonsente ni Joachim ang iyang higala. Wala ko kasabot sa akong gibati maong akong gi-confront si Christian. Niangkon siya pero niana siya nga love man daw ko niya.  Grabe nako ka love si Christian, maong nisugot ko nga iya kong kabit  kay dili man sad niya buwagan ang iyang original nga girlfriend.   Pero pag-abot og six months, nakahukom ko nga biyaan na nako si Christian, kay nakonsensiya na kay ko sa iyang girlfriend. Bahala’g sakit, pero kinahanglan nako nga putlon ang among relasyon  kay kapoy pud baya  sige’g tago-tago,  dili lalim mahimong kabit kay dili ka basta-basta ka-demand  og oras sa lalaki.  Request diay ko sa lyrics sa I Love You Goodbye by Nina.

Hi Arianne! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines