Senyora
BIRHEN SA KALAPOKAN - Dro Arts (Banat) - May 31, 2016 - 12:00am

Gula  23

"Nia ka man lagi?" pangutana ni Mylene sa miabot.

"Wala ko mahimutang nga ikaw ra ug ang driver ang mibiyahe paingon dinhi wala sab ko mahimutang nga naghuna-huna kun unsay nahitabo ni Kyle," ni Ferdie pa nga maoy kalit nga naabot sa apartment. "

Nahibawo ko nga nahingawa ka sa atong anak Ferdie, nahibawo ko nga bisan og ingo'g nausab ang batasan sa atong anak wala pa gihapon mahanaw diha sa imong kasing-kasing ang pagpangga mo sa atong anak," matud pa ni Mylene nga nanrapo sa iyang mga luha.

"Gisultihan ko sa driver sa nahitabo gisugo ko na sab ang caretaker paglimpiyo sa apartment pwerting daghanang katag halos tanang butang nangabuak," matud pa ni Ferdie.

"Ang mga butang nga nangabuak mailisan pa dili ba ling? Apan ang anak dili pwedeng mailisan nia ka kay gusto kang masayod sa kahimtang sa atong anak. Worried ka sab dili ba?" matud pa ni Mylene miduol si Ferdie, milingkod sa hilit sa kama tupad sa asawa. Mitan-aw sa anak migunit sa ulo si Ferdie ngadto sa anak dayong hapuhap niini.

“Nganong nagpa-kabuang man og maayo si Kyle nianang ginganlan og Pia? Unsa may naa nianang Pia nga wala sa ubang babaye? Halos magpakamatay na lang tungod sa pagbuwag ni Pia kaniya," matud pa ni Ferdie dayon nanghupaw.

"Ikaw ang gipasanginlan ni Kyle nga maoy nagmaniubra sa tanan aron buwagan siya ni Pia," matud pa ni Mylene. Milingo-lingo si Ferdie senyales nga wala ug wala siya’y kalabotan sa nahitabo.

"Ambot kun nganong naabot sa iyang hunahuna nga ako’y iyang gitohoan nga nagmaniubra sa tanan," matud pa ni Ferdie.

"Dili man sad gud imposible nga buhaton mo kana tungod kay daghan ka'g kontak sakto man sab si Kyle, dili ba? Makaya mo ang gustong buhaton pinaagi sa imong kwarta mahimo mo ang bisan unsa tungod kay mainpluwensiya ka nga tawo," matud pa ni Mylene.

"Apan dili ko buang nga pagka-amahan aron buhaton ko kana kitang mga ginikanan igo lang sa pagtambag. Apan ang pagbuhat sa giakusar ni Kyle nako dili ko kana mabuhat. Tinuod nga dako kong supak sa ilang relasyon apan wala ug wala mahiabot sa akong huna-huna nga gamiton ang akong mga koneksiyon aron buwagon sila. Gimandoan ko tuod si Kyle nga palay-an kanang Pia, pero dili ko mag-usik sa akong panahon aron gamiton ang akong mga koneksiyon aron buwagon sila," matud pa ni Ferdie nga samtang nagsulti, mitutok sa anak. May kaluoy sa dughan sa amahan ngadto sa anak samtang padayon nga gihapuhap ang ulo sa ulitawo nga nahinanok sa pagkatulog.

"Nasayod ko nimo ling mao nga dako gyud ang akong pagtuo nga nasayop si Kyle sa iyang pag-akusar nimo," matud pa ni Mylene.

"Unsay nahitabo kang Kyle?" tingog nga nabati sa magtiayon nga nagagikan sa ganghaan sa kwarto ni Kyle nakurat ang duha sa ilang nakita.

"Mama!?" ni Ferdie nga nakurat.

"Mama, nia ka man lagi? Kinsa bay nagsulti nimo nga..." wala matiwas ni Mylene ang buot isulti kay misalga dayon si Senyora Conchita.

"Dili na kinahanglang masayod mo kun kinsay nagpahibalo nako," ni Senyora Conchita pa nga miduol nila. Mibarog si Ferdie ug mipuli sa pag-lingkod ang senyora. Mitan-aw ang senyora sa anak nga si Ferdie. Nagkanayon "may atimanon ka pang negosyo Ferdie, lakaw na okay na man siguro ni si Kyle," matud pa sa tiguwang.

"Okay mama mopauli na ko gisiguro ko lang kun unsa gyu’y kahimtang ni Kyle. Pero okay na tuod siya natambalan na sab ni Mylene ang samad ni Kyle," matud pa ni Ferdie.

"Kadiyot lang Ferdie," pagpugong sa senyora sa mopaingon na untang mogawas nga si Ferdie.

"Yes mama?" si Ferdie.

"Sa inyong pagkaginikanan, wala gyud mo makamatikod o makapanton sa inyong anak aron dili mosulod sa bisyo?" matud pa sa senyora diin nagtinan-away ang magtiayon sa usa’g-usa.  (Sumpayan)

 

 

 

AGRICULTURAL COMPETITIVENESS ENHANCEMENT FUND CYNTHIA VILLAR
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with