Love story
LOVE STORY - Marvin Sy (Banat) - May 31, 2016 - 12:00am

Dear Banat News,

Hello sa tanang  avid readers  sa  Banat News! Permi gyud ko mobasa sa LOVE STORY. Ako  diay  si Yurika, 27 years old  ug  nag-work isip call center agent.

Nagduha-duha  gyud ko mo-share sa akong past lovelife. Pero, nakahuna-huna nga okay ra man diay, total, past na bitaw. Lima ka buwan na ko nga wala’y uyab ug naka-move on nako.

Happy ra kaayo ko sa akong kinabuhi karon, ug naka-focus ko og maayo sa akong trabaho.

Akong katapusang nauyab mao si Aldrian, 20 ug nag-eskwela sa usa ka unibersidad dinhi sa Cebu City sa   kursong Business Management.

Nagkaila mi ni Aldrian  tungod kay nagkaabot mi sa birthday party sa akong barkada ug gipaila-ila ming duha.

Samtang heavy ang among istoryahanay, nangayo siya og contact number nako kay i-invite daw ko niya sa iyang mga laag.

Kahibalo ko nga manghod ra kaayo nako si Aldrian, maong dili ko ka-blame sa iyang bata-bataon nga batasan.

Nagteksanay mi, ug mag-uban sa pagpanuroy, siyempre, student pa man siya, maong ako kasagaran ang makagasto kun mag-date mi.

Wala ra ko manumbaling kay mura’g na-develop na pud ko niya kay grabe man pud siya ka caring nako.

Nakaingon ko sa akong kaugalingon, pagkahumok nako og ilong kay dali ra gyud ko makilig sa iyang sweet messages.

Sa gipakita nga lihok ni Aldrian, klaro kaayo nga naa siya’y gusto nako. Pag-abot sa panahon nga nanguyab siya nako, ako dayon siya nga gisugot.

Nakaila na man ko sa iyang batasan, kay niabot baya og upat ka buwan ang among “getting to know each other stage”.

Nindot kaayo ang dagan sa among relasyon sulod sa usa ka tuig kapin, apan sama sa ubang mag-uyab, naabot pud ang mga oras nga magsige mi og away.

Usa sa among awayan mao ang pagsige niya og kasuko nako kun dili ko makigkita kaniya. Duna man gu’y panahon nga ma-busy ko sa ako work, labi na kun mag-overtime ko.

Dili man sad ko mosugot nga magpaabot siya og maayo nako gawas sa among trabahoan kay kaadlawon baya akong out, unya dili ko gusto nga  maapektohan ang iyang pag-eskwela kay na pa man siya’y klase sayo sa buntag.

Nagkagrabe ang among away, ug niabot sa punto nga magduda siya nako, kay basin daw naa ko lain maong panagsa ra ko makigkita niya.

Grabe siya manginsulto, ako siya gipasabot sa akong side, pero dili siya maminaw, gusto niya nga mag-uban na lang gyud mi permi.   Laktod pagka istorya, natuok nako niya og maayo, maong nakahukom ko nga makigbuwag niya, bisan sakit kaayo para sa akoa. Nagsige ko og hilak sa akong hukom. Sa sinugdanan dili siya mosugot, apan wala siya’y mahimo kay tibuok na akong desisyon. Dili ko gusto nga naa ra sa akoa nagtuyok ang iyang kalibutan, kay naa pud baya mi tagsa-tagsa nga prayoridad.   Mo-request na lang ko sa lyrics sa Foolish Heart by Nina.

Hi Yurika! Thank you so much sa imong LOVE STORY! Paabuta ugma puhon ang imong request.

Dear Kalandrakasers, aduna ba kamo'y LOVE STORY? Suwata ka na ug ipadala pinaagi sa                 pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Niño

6000 Cebu City, Philippines

 

 

16TH CONGRESS ANTI-DISTRACTED DRIVING ACT CONGRESS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with