Goodbye kiss
(Banat) - February 5, 2016 - 9:00am

Gula 59

"Unsa pa man diay, usik kun dili itulon no," ni Lina pa. Mihigda kini tapad kang Lina naghangos sa kakapoy. Si Lina sab dayong tanday sa lalaki miunlan sa bus-ok nga bukton sa lalaki.

"Salamat Lin ha," ni Carlo pa.

"Labaw na kang salamat,"ni Lina pa mingisi ug dayon nakahinumdom kang Arturo. Miingon ang babaye, "wa gyud moy kalainan sa imong amahan dah.""

"Naa na sad ka anang imong pagkumpara namo ug sa akong papa ha," pulong pa ni Carlo.

"Ang-ang bi  imo man kong gikuan sa luyo mao baya nay naingnan sa among panagbuwag pwerting sakita adto oy," matud pa ni Lina.

"Mura giganahan man lagi ka dihang akoy mibuhat niini nimo?" ni Carlo nga mipahiyom.

"Ambot bitaw uy. Hinuon sa premiro sakit gyud siya dili gyud tiaw ang sakit pero nadugay mura’g nindot man ang pamati. Mura’g lami siya nga ambot uy dili hisabtan ang akong gibati," ni Lina pa nga mapahiyomon.

  Tuod man mibarog si Carlo ug gisul-ob pagbalik ang iyang sapot. Mogawas na unta si Carlo, pero gibira kini pabalik ni Lina.

"Oh, unsa pa man?" Pagpangunot sa agtang ni Carlo. Dayong pabudlot sa simod si Lina ug nagkanayon, "wala lang diay goodbye kiss?" ni Lina pa.

“Yabag okay mwaahhh..." ni Carlo nga mi kiss kang Lina ug hingpit nang migawas sa panimalay nilang Lina ang ulitawo.

Wala na lang ihatod ni Lina ang ulitawo paingon sa atanganan og sakyanan. Gibaktas sa lalaki ang dalan paingon sa kalsada diin tua mangagi ang mga jeep.

Sa pagsubay niya sa maong dalan, ubay-ubay siyang naagiang mga bayot nga nagpatsantsing niya pero wala niya kini hatagi'g pagtagad. May usa pa ka bayot nga mitawag niya, "hoy guwapo, asa ka?" Wala lang kini panumbalinga ni Carlo, "Asa ka baby? Kuyog ko bi," matud pa sa bayot nga sa bana-bana sa lalaki nag edad og 15 anyos.

Dihang nakasakay nag jeep si Carlo, gihuna-huna na sab niya ang iyang mga ginikanan nga nagbuwag na  kang kinsa siya mokuyog? Nahunahuna ni Carlo kun unsa kahay maayo’g mouban lang siya sa iyang mama. Kun unsa sad kahay iyang kinabuhi ngadto sa probinsiya.

Makadaghan na siyang makaadto sa probinsiya sa iyang inahan pero igo lang kining mobisita sa ilang kaparentihan, mo-estar lang og pipila ka adlaw labing taas lima ka adlaw.

Unsa kahay bation kun adto na gyud siya mopuyo? Nanghupaw na si Carlo, mao na lay nabantayan niya nga naa na diay siya sa eskina paingon sa ila.

Alas 7 sa gabii nang nauli si Carlo sa ila maoy iyang nakita nga may pagkaon na sa lamesa.  Nakasiguro siya nga ang iyang amahan maoy nag-andam niini.  Nahunahuna na sab ni Carlo kun unsa siya ka-atimado sa iyang papa. Mas misamot na hinuon nga magduha-duha siya nga pilion ang inahan tungod sa gibuhat sa iyang amahan kaniya nga  pagpangga ug pag-atiman. Mosulod na unta si Carlo sa iyang kuwarto kay gusto na kining mopahulay, apan miabli ang pikas kwarto.

Diin ka man diay gikan Carlo?"Si Arturo nga migawas gikan sa kwarto niini.

"Didto ra ko sa kalsada pa," tubag sa lalaki.

"Kalsada? Didto man ko gikan may nakasulti nako nga nag-inom mo si Lina ug nagkuyog kuno mo, nanakay mo'g taxi." Matud pa ni Arturo nga nakapakurat sa ulitawo. (Sumpayan)

ANG ARTURO CARLO DIDTO IYANG LINA MAN NAHUNAHUNA NGA QUOT SIYA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with