Kalibog
(Banat) - January 30, 2016 - 9:00am

Gula 53

Nanghupaw una ang ulitawo’g gihuna-huna og maayo kun unsay angay'ng itubag sa pangutana sa iyang amahan.

"Pa, mahimo'g dili una ko nimo pangutan-on  bahin niana?"

"Hinumdumi kanunay anak mahal ka ni papa dili ko gusto nga mahimuwag ka nako," hinay nga pagkasulti sa amahan.

"Kinsa man kahay nagsulti ni mama bahin sa imong pagsige'g dala'g babaye dinhi sa ato?" Ni  Carlo.

"Wala sad ko masayod kun si kinsa hinuon gipangandaman ko na man ning daan. Nahibawo man gyud ko nga walay aso nga makumkom," pulong pa ni Arturo ug nanghupaw.

"Wala ka na ba mahigugma ni mama pa?"Pangutana ni Carlo sa amahan nanghupaw una ang amahan  mitan-aw sa anak miagbay sa anak.

"Ang gugma anaa na permi kay dili mahitabo nga magpakasal ko kang mama mo kun wala pa koy gugma niya. Pero lalaki ko nga adunay panginahanglan sa panahon nga manginahanglan ko nga ang babaye lang ang makatagbaw niini wala ang imong inahan. Busa napugos ko nga mangabit makapahungaw sa gibating kainit," pagpasabot ni Arturo sa anak.

"Nganong wala ka man mobabag dihang nagplano pa lang si mama nga mo abroad?," si Carlo.

"Makadaghang higayon ko siyang gibabagan sa iyang plano kaniadto pero may plano siya. May ambisyon sa kinabuhi mabuhi ko ra man unta kamo pinaagi ining akong trabaho isip gwardiya.

Mabuhi ra ang tawo basta maningkamot lang may batasan man gud ang imong inahan nga dili magpapugong sa gusto niining buhaton.

Mahal ko ang imong inahan busa wala koy mahimo gawas nga mouyon na lang sa gusto niini bisan pa man og supak sa akong buot," matud pa ni Arturo.

"Nakahinumdom ko kaniadto nga kanunay mong mag-away si mama," matud pa ni Carlo.

"Oo, kay may mga butang nga dili mi magkauyon," tubag ni Arturo sa anak.

"May higayon sab nga kulatahon nimo si mama," matud pa ni Carlo.

"Kana tungod kay dili ko na maantos ang iyang kababaon usahay man gud makainit sa buot ang sinultihan sa imong inahan," matud pa ni Arturo.

Nanghupaw si Carlo gitapik ang paa sa amahan.

"Wala ka ba gyud gutoma pa? Mag-andam ko og paniudto." pag-agda pa sa anak.

"Nawala ang akong gana mopahulay lang una ko," tubag sa amahan ug dayon mihigda sa kama niini. Mibarog si Carlo  mitan-aw sa amahan makadiyot migawas sa kwarto niini.

Milahos siya sa iyang kwarto gihuna-huna kun unsay maayo niyang buhaton. Lisud alang kaniya nga biyaan niya ang iyang amahan ug mouban sa iyang mama sa Ginatilan.

Nagduha-duha ang ulitawo kun mouban ba siya sa iyang mama. Nahunahuna sab niya kun unsay iyang kinabuhi ngadto sa probinsiya nga naanad na man siya sa kinabuhi sa siyudad.

Tungod sa kalibog kun asa siya mouban  nakadesisyon ang ulitawo nga mogawas lang una sa ilang balay. Lapoy ang iyang lawas kay gikan silang nag overnight sa dagat uban sa iyang mga barkada.

Gusto siyang mopahulay  mamawi sa gamay'ng tulog didto sa dagat apan dili siya makapahulay ug makatulog. Daghan ang mosulod sa iyang huna-huna  mga kalibog ug uban pa.

Migawas si Calo sa balay  mas gipili nga moadto sa kalsada namasin nga may makita siyang higala nga pwede niyang ikauban aron mo-inom og pipila ka botelyang beer aron inig pauli niya sa ila  makatulog na siya. Samtang naglakaw padayon siyang naghunahuna sa unsay angay'ng buhaton. Gihuna-huna niya ang iyang papa ug sa samang higayon ang iyang mama.

"Carlo!" Pagtawag sa usa ka babaye si Lina, gilingi kini ni Carlo.

"Lin, ikaw diay?," ni Carlo pa nga way gana ang tuno.

"Naay nahitabo ninyo ni Eser noh?" Pangutana ni Lina kaniya. (Sumpayan)

AMAHAN ANG ARTURO CARLO IYANG MAMA MAN NBSP NGA QUOT WALA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with