Katumanan sa Eyukaristiya
Sugilanon - Jethro Barita Ochea (Banat) - January 26, 2016 - 9:00am

Sa hilom, nakapasalamat si Sarah, nga nakatambong gayud sa nagkadaiyang matag adlaw nga kalihokan sa gipahigayong ika-51 nga International Eucharistic Congress (IEC) dinhi sa siyudad sa Sugbo gikan sa pagbukas niini sa unang adlaw.

Dili matukib ang gibating kalipay ni Sarah kay nakauban niya ang mga langyaw nga delegado nga nagagikan sa lainlaing mga nasud ning kalibutan.

"Lord, salamat nga gi-sponsoran ko sa relihiyosong kapunongan nga akong gimembrohan aron gayud ako makatambong sa tanang kalihokan sa nagapadayon pa nga International Eucharistic Congress...!" nagkibutkibot ang baba ni Sarah sa tumang kalipay. Nagkabalhinbalhin lang ang benyu sa EIC, ilabi na ang pagpahigayon sa Holy Eucharist-sa IEC Pavillion, Capitol Building, Plaza Independencia ug SRP. Alang kang Sarah, nunot sa gipahigayong mga kalihokan sa IEC, ang Eyukaristiya, nahatagan gayud og katumanan ug napaambit kini ngadto sa tanang nanambong sa international nga kalihokan.

Nanuhotsuhot sa kaisipan ni Sarah ang gipaambit sa usa ka mamulong. "Ang Eyukaristiya diin anaa ang atong Ginoo, nahatagan og katumanan pinaagi sa tulo ka grupo nga naglibot ug nagsirkulo sa matag parokya sa simbahan. Una, ang mosimba. Ikaduha, ang panagsang mosimba.Ikatulo, ang kinabag-ang mosimba...!"

Nagyangoyango si Sarah. Tinuod gayud ang Eyukaristiya nahatagan og katumanan sa sulod sa simbahan, diha sa kinasingkasing nga nitambong sa misa, sa kinasingkasing nga niapil sa kumunyon ug sa kinasingkasing misulod sa prayer room sa simbahan human sa misa, aron one-on-one nga mosangpit ug mag-ampo sa Ginoo.

Ug mao kini ang naandan na nga tulumanon ni Sarah uban sa iyang bana matag adlaw---ang pagtambong sa daily mass (matag adlaw) sulod sa simbahan, ang pagpangalawat atol sa misa ug ang pagsulod sa prayer room sa simbahan human sa misa-- aron ipahigayon ang kinasingkasing pagsangpit ug pag-ampo ngadto sa Ginoo. (Kataposan)

ANG ANG EYUKARISTIYA CAPITOL BUILDING DILI EYUKARISTIYA GINOO HOLY EUCHARIST IKADUHA INTERNATIONAL EUCHARISTIC CONGRESS NGA PLAZA INDEPENDENCIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with