_banat
^

Pares-pares

(Banat) - January 21, 2016 - 9:00am

Gula 44

Medyo nakurat si Carlo sa maong pangutana.

"Unsay pakaslan? Mira wala pa na sa akong huna-huna ang kasal. Usa pa kun magpakasal ko unsa man say akong ibuhi sa akong pamilya. Nagsalig lang ko'g ginikanan karon," matud pa ni Carlo.

"Kun magsabak ko dili ka ba diay manubag?" pangutana ni Mira.

"Tinuyuan nato ang nahitabo," ni Carlo pa nga mibarog na ug andam nang mobiya sa dapit diin saksi sa maong pagkutlo niya sa buwak sa paraiso .

"Carlo?" bugtong pulong sa dalaga.

"Dali na mamalik na ta sa atong cottage nakasiguro ko nga gipangita na ta ron sa atong mga kauban. Mibarog ang babaye apan adunay pagping-it nga milakra sa dagway sa dalaga. Dihang mitikang na kini, ingon og nagbakang pa ang babaye. Gibati niini nga daw aduna pay butang nga nakapwesto sa tunga-tungang bahin sa iyang lawas. Nakabantay niini si Carlo.

"Tarunga ang imong linaktan Mir kay basin makahalata ang atong mga kauban," matud pa ni Carlo.

"Sakit pa man gud kaayo Carlo," matud pa sa babaye nga may pagping-it ang dagway.

"Pugsa nga dili ka mahalata," matud pa ni Carlo. Busa bisan og sakit pero giantos kini sa dalaga gitarong niini ang linaktan. Gisubay nila ang dapit nga ilang giagian dihang mipaingon sila sa dakong bato dihang hapit na sila maabot sa ilang cottage, nakita sila ni Pikot.

"Bay Carlo!!", pasinggit nga pagtawag ni Pikot kang Carlo. "Diin man mo gikan? Ganiha ra ming nangita ninyo," matud pa ni Tribor.

"Nagsuroy-suroy ra mi mga brad," tubag ni Carlo.

"Nahitabo gyud ang linapaay?" paghunghong ni Vincent sa higala.

"Hilom oy. Linapaay ba." Pulong pa ni Carlo.

"Klaro kaayo brad nay linaktan ni Mira oh mura’g bag-ong gisudlan samtang ikaw bag-ong gihabwaan," matud pa ni Vincent nga mibuhakhak sa pagkatawa.

"Tagay bi," ni Carlo pa nga nangayo'g tagay sa bino.

"Ohh dia ra plus one imong tagay ron ha kay kadaghan na ka naka pass dah  diin kaha mo," ni Tribor pa. Samtang si Mira wala panumbalinga ang kalakin-an nagkuri-kuri kini sa katag sa lamesa sa cottage.

"Diin man mo day?" pangutana ni Bea nga maoy pares usab ni Vincent.

"Didto ra mi nagsuroy-suroy ni Carlo," tubag sa babaye.

"Weee? Sure?", duda pa ni Bea sa tubag ni Mira.

"Lagi nagsuroy-suroy ra mi unya nagsultihanay," matud pa ni Mira.

"Unya kamo na?", pangutana ni Bea.

"Unsay kamo na ba?", pangutana ni Mira.

"Hala ha pabuang-buang lang ang peg? Duna na ba moy relasyon? Gipanguyaban ba ka ni Carlo," matud pa ni Bea.

"Wala oy wala manguyab dili pa kami," matud pa ni Mira dayon nanghupaw.

Padayon ang kasadya sa grupo kalanog sa dapit ang mabati minugna sa pipila lang ka tawo sa maong grupo. Mga katawa nga ingon og way nagpaabot nga problema sa umaabot. Pipila ka long neck na sa ilimnon ang nahurot sa grupo medyo nalipong na sab si Carlo, samtang ang uban nag-iyahay na og pares-pares. Makita pa sa maong dapit nga may kinawatay sa halok ngadto sa ilang pares.

Si Mira usab medyo nasuya kay bisan pagkidhat na lang ni Carlo niya wala kini buhata sa lalaki. Nahuna-huna na hinuon sa babaye nga wala gyuy bisan gamay'ng gusto kaniya ang lalaki.

Ang pagkababaye lang niini ang giapas. Nangagho na lang ang babaye nga nagtan-aw sa uban niyang mga kauban nga nag-inagbayay sa kalit lang nakurat si Mira kay may mibalokos man sa iyang hawak.

"Ayyy..." tuaw ni Mira nga nakuratan. (Sumpayan)

 

ANG BAY CARLO BEA CARLO DIIN LANG MATUD MIRA NGA PIKOT QUOT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with