Sinulog Idol
Sugilanon - Jethro Barita Ochea (Banat) - January 19, 2016 - 9:00am

Atol sa kasaulogan sa pistas Senyor ug sa gipahigayong Sinulog Festival sa kadalanan, nagpalahi sila si Ricky ug Mimi sa ilang kinawat-kawat nga panag-date. Nagteksanay sila. Ug didto sila magbagat sa matahom nga Plaza Independencia.

"Abi mo, Mi, gikan karon nga kasaulogan sa Sinulog, ikaw na ang giisip kong Sinulog Idol! Dili Sinulog Idol nga maayong mokanta, kun dili, Sinulog Idol nga matuod kong gugma...!" ni Ricky nga malipayon kaayong nakigtupad og lingkod kang Mimi sa sementadong lingkuranan nga nagliyok sa dakong punoan sa kahoy.

"Parehas ta, Rick! Ikaw usab ang Sinulog Idol sa akong kasingkasing, ning higayona lang gyud ko makadalikyat og date nimo, kay busy man sab sila si daddy ug mommy sa among mansyon sa daghang bisita nga namistahay ug manan-aw sab sila didto sa grandstand sa Abellana Sports Complex! Way kalibutan sila nga nakig-uyab ko nimo. Milugak ang ilang pagguwardiya nako karong adlawa, kay Sinulog man...!"

Gikuptan ni Ricky ang tuong palad ni Mimi. "Pastilan, wa gyud ko magdahom nga mauyab tika, Mi! Newsboy ra gud ko nga maghatod kanunay matag buntag sa mga kopya sa Banat News ug The Freeman Newspaper. Daw di ko makatuo nga mauyab ko ang guwapang kamanghurang anak sa inilang adunahang negosyanteng magtiayon dinhi sa siyudad sa Sugbo! Sa atong edad nga 16 pa, sayod kong supak gayud imong pamilya nga nauyab tika! Kabos ra gud tawon ko ug anak lang og manindahay og utanon sa Carbon Market....!"

"Isekreto lang gyud nato ning atong panag-uyab, Rick! Unsaon, love man gyud tika! Basta padayon lang gyud og tungha sa kolehiyo sama nako!"

"Kanunay kong nag-ampo ni Senyor Santo Niño nga maangkon ang gugma mo, bisan usa lang ko ka newsboy sa Banat News. Nagself-supporting kos kolehiyo, kay nag-income man ko'g 500 pesos matag adlaw, sa kadaghan ko'g suki sa  Carbon Market. Molampos gyud ko'g eskuyla sa kolehiyo aron di ko yam-iran sa imong Daddy ug Mommy, puhon...!"

"Kuntento na ko nga magkadeyt ta matag Sinulog, Rick! Himuon lang natong inspirasyon ang atong gugma sa usa’g-usa...!" (Kataposan)

ABELLANA SPORTS COMPLEX ANG BANAT NEWS CARBON MARKET DILI SINULOG IDOL FREEMAN NEWSPAPER MIMI NGA QUOT SINULOG SINULOG IDOL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with