Hadlok masakitan og balik
(Banat) - January 17, 2016 - 9:00am

Medyo Maldito, ako si Leslie. Pa-advice unta ko nimo. Naay nanguyab nako ron apan  wala kaayo ko manumbaling  kay mahadlok ko nga pareha ra siya sa akong mga nauyab sa una. Mag-single forever na lang siguro ko oy!  Kaning mga laki kay pareha ra gyod ni silang tanan,  mamiya ra. Akong first nga uyab, iya kong gibiyaan kay overprotective ra daw kaayo ko. Sala diay na nako nga love kaayo nako siya? Grabe, wa gyod ko ka-move on ato niya diritso. After few months, naay nanguyab nako. I admit, wa pako ka-move on sa una nako nga ex pero ako siyang gisugot kay basin siya'y makatabang nako'g move on. Wa gyud mi-spark, gibiyaan ra gihapon ko niya kay feeling niya, gigamit ra daw nako siya. Sakit gihapon kaayo to nako kay gibiyaan ko niya sa time nga I was learning to love him. Mao nang karon, mahadlok nako kung naay manguyab nako kay feeling nako pasakitan ra ko.

* * *

Ingon ana gyod nang gugma, mura'g Rico. Usahay puno, usahay blanco. Usahay "puno" kaayo nga sa sobra ka puno, moawas na. Moawas unya masayang ra. Pareha atong gugma nimo sa imong ex nga una. Nasobraan, mura naka'g iyang mama kay grabe kastrikta. Uyab ka, dili pisi, maong ayaw panuok. Maong ayaw na'g wonder nganong gibiyaan ka.

Usahay pod, ang gugma mura og Rico  Blanco. Blanko as in zero, mura'g imong gugma para sa imong last nga ex. Ayaw napud pangutana nganong gibuwagan ka ug gibiyaan ka niya.  Kay imong last nga ex, imo ra mang gigamit. Nakapait sa uban tawo ron, ang mga gamit na ang higugmaon ug ang mga tawo ang gamiton. Ayaw panggamit og tawo aron maka move-on ka. Di na sila vulca seal, ayaw himoa og panakip butas.

Karon, di naka mo salig sa mga laki tungod sa experiences nimo. Kung magsige na lang ka og balik-balik sa mga nahitabo sa una, nag-major na lang unta ka'g history. Di tungod gibiyaan ka's duha nimo ka uyab, biyaan napud ka's tanang laki. Learn from your experiences. Learn from your mistakes aron di na to nimo pangbuhaton utro. Kung naay manguyab nimo, sugot lang kung ready na ka. Di tungod kay di ka gusto mag-inusara.

*  * *

Ganahan ka magpatambag? Ipada na sa: medyomaldito@gmail.com

AKONG AYAW BLANKO KAY MEDYO MALDITO NAKO NBSP NGA QUOT RICO USAHAY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with