^

Barkada

(Banat) - January 16, 2016 - 9:00am

Gula 39

Naggakos ang amahan ug anak. Nagpamahid sa iyang luha si Arturo ingon man si Carlo. Kalit nga mipahiyom si Arturo.

"Naunsa man ta oy? Ka-drama ba nato," matud pa ni Arturo nga mibarog.

"Bitaw pa sah. Dili gyud ikalimod, liwat ko nimo", dayong katawa ni Carlo samtang padayon sab nga nagpamahid sa iyang mga luha. Mikatawa usab ang iyang amahan, mipadayon sa iyang gibuhat sa kusina.

"Moeskwela ka karon?" pangutana sa amahan.

"Dili pa." Tubag ni Carlo, ug mipadayon sa pag-ingon, "pa, mananghid unta ko nimo kun pwede."

"Unsa mana?" pulong sa amahan.

"Naa mi outing ron uban sa akong mga classmates. Okay ra'g mokuyog ko?" pananghid pa ni Carlo.

"Okay ra. Overnight?"pangutana sa amahan.

"Oo pa, Domingo sa gabii pa mi uli," matud pa ni Carlo.

"Sige, binlan lang unya tika’g kuwarta sa dili pa ko mogikan paingon sa trabaho. Kanang imong bun-og?", pangutana sa amahan nga milingi sa anak.

"Okay ra ni pa. Kun mangutana sila kun nganong naa koy lagom, ako lang ingnon nga nakakita kog rambol gabii." Ni Carlo pa dayong katawa. Mikatawa na lang sab ang amahan.

Human maka-areglar sa kaugalingon ang amahan, migikan kini sa trabaho. Gibinlan niya'g kwarta ang anak aron magamit sa ilang outing uban sa mga classmates niini.

Alas dos sa hapon pa lang, andam na si Carlo. Alas tres sa hapon, migikan na siya paingon sa gisabotan nila nga mag-abot aron mangaligo'g dagat sa Opon.

Kumpleto na ang barkada sa maong dapit ug siya na lang diay ang gipaabot. Naa na sila si Pikot, Vincent, Tribor ug uban pang mga barkada. Diha usab si Mira, ang ilang schoolmate nga dugay na kaayong adunay gusto kaniya. May laing mga babaye usab nga ilang kauban. Walo sila tanan nga mangaligo sa dagat. Mihatag lang og kwarta si Carlo agi'g tampo niya sa ilang outing. Dihang nakita na sa grupo si Carlo, daling miduol si Vincent niya.

"Brad, unsa may nahitabo anang imong nawong? Nanglagom mana?", pangutana ni Vincent.

"Wala ra ni kaso mga brad. Unsaon, kita man ko'g rambol adtong miaging gabii." Pagpamakak pa ni Carlo. "Kitag rambol o gikulata ka sa imong papa tungod sa imong pagkulata adtong taxi driver?" matud pa ni Pikot.

"Bitaw brad. Wala gyud ko kaadto sa prisohan dah. Wala ko kaduaw nimo," ni Tribor.

"Gikulata kang papa nimo no? Sa akong tan-aw nako sa imong papa didto sa p0resinto sa kapolisan, pwerti gyung lagota, morag kakulatahon nimo gumikan sa imong gibuhat. Tug-an gikulata ka sa imong papa no?" pangutana ni Pikot.

"Wala lagi. Samoka oy. Unsa man ta? Mopadayon pa ta sa atong lakaw o kining mga lagom sa akong nawong maoy atong hisgotan hangtud inig Domingo?", ni Carlo pa nga medyo iritado na.

"Bisag dunay mga lagom ang imong nawong Carlo, pero, gwapo gihapon ka." Matud pa ni Mira dayong balikos sa bukton niini sa hawak ni Carlo ug gisandig pa ang ulo sa abaga niini.

"Ayay, naa gyud mahitabo rong gabhiona didto sa dagat ba," matud pa ni Tribor. Unya miduol kaniya si Vincent.

"Tirahi na karong gabi-i si Mira brad. Dili na mobalibad. Naghuwat ra na nga imong patungan," matud pa ni Vincent nga mihunghong ug mipahiyom.

"Ha?" bugtong pulong sa ulitawo. (Sumpayan)

AMAHAN ANG ARTURO CARLO DILI IMONG MGA MIRA NGA QUOT WALA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with