Bwinggit
Sugilanon - Fred Fuentes Monternel (Banat) - January 5, 2016 - 9:00am

Hilom nga naglagot si Pons sa dakong bwinggit nga mitubo sa kilid sa ubos nga bahin sa iyang tuong mata. Nanamin siya sa ilang tokador ning buntaga sa ilang hawanan, ilabi na nga mopadulong na siya sa eskuylahan. Ning adlawa, sulogsulogon na usab siya niini sa iyang mga klasmeyt nga lalake sa grade six, sama sa ilang pagsulog-sulog kaniya kagahapon.      "Hala ka! Gi-bwinggit si Pons...!"

"Ha-ha-ha! Sige tingali ni'g pamuso, ay...!"

"Bitaw! Kakita tingali ni'g dili ingon nato...!"

"Sige tingali ni'g panglili si Pons sa mga klasmeyt tang babaye nga maglingkod sa ilang lingkuranan...!"

"He-he-he! Imbes insekon ang mga mata ni Pons, gitugkan nuon og bwinggit...!"

"Lagmit kanunay ni siyang mopasiklap sa bilahan sa guwapa tang adviser nga maestra, si Mam Fe...!"

Mao nga ning buntaga, nakaahat gyud og pangutana si Pons sa iyang papa Simo ug mama Pia mahitungod sa miturok niyang bwinggit nga nakahasol kaniya.

"Tinuod ba gud, Pa, nga bwinggiton ang bata kun makapamuso kanunay...?"

"Kay kinsa bay imong gipamuso kanunay, dong Pons...?" sukot sa papa Simo ni Pons.

"Kakita ka kanunay og panti sa babaye, dong Pons...?" laing sukot sa mama Pia ni Pons.

"Labaw pas panti, Pa, Ma...!" tubag ni Pons.

"Ha? Ayaw'g tuo niana, dong Pons! Nataymingan lang gyud ka sa bwinggit....!" gipikpik ang abaga ni Pons sa iyang Papa.

"Bitaw, dong Pons! Basta mag-edad og 12 ang usa ka bata, lagmit tripingan gyud sa buwinggit...!" midason ang iyang Mama.

Wala na lang motimik pa si Pons. Dili siya makaako sa pagsulti sa iyang papa ug mama, nga kadaghan na siya makapamuso ug manglili gikan sa iyang kuwarto ug ngadto sa kuwarto sa iyang mga ginikanan nga kanunay magromansa, kay buot silang masundan og laing anak. Namatikdan man gud ni Pons nga saba ug hangos kaayo ang inagutnga sa iyang papa ug mama sa sulod sa ilang kuwarto.

Nataymingan gyud  hinuon siya sa bwinggit! (Kataposan)

ANG BITAW IYANG KAKITA MAM FE NATAYMINGAN NGA PONS QUOT SIGE SIMO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with