Nanaygon si Dondon
Sugilanon - Jethro Barita Ochea (Banat) - December 7, 2015 - 9:00am

Ning nagsingabot na ang kasaulogan sa Pasko, wa magpapire si Dondon. Gamit ang inampingan ug dugay na niyang napalit nga sista, nag-inusara na usab siyang nanaygon, ning barangay nga iyang gipuy-an.

Nailhan si Dondon nga usa ka porter sa pantalan. Sa edad nga 30, nagpabillin siyang ulitawo.Dugay nang mitaliwan ang iyang mga ginikanan.

Matag magsingabot ang Pasko, mosayidlayen gyud siya sa pagpanaygon, ilabi na kay nindot ang kalidad sa iyang tingog nga mokanta. Gani, kadaghan na siyang makadaog sa mga tigi sa awit sa kabarangayan ug estasyonan sa radyo. Nakaapan lang kay maulawon si Dondon nga manguyab og dalaga, maoy hinungdan nga nagpabilin siyang ulitawo sa edad nga 30 sa pagkakaron nga wa gyuy uyab.

Pipila lang ka oras nga pagpanaygon ni Dondon, nakatigom dayon siya'g kapin sa libo ka pesos. Daghan man gud ang mo-request niya'g kanta ug mohatag kaniya'g tag usa ka gatos ka pesos matag kanta. Ug karon, maoy katapusang gidaygonan ni Dondon ang balay ni Fe, usa ka biyuda sa ilang balay barangay nga nag-edad na’g 45 ug nanag-iya og usa ka botika, kay pulos man mga lisensiyadong pharmacist ang duha ka mga anak dalaga niini. Ganahan kaayo si Fe sa tingog ni Dondon.

"Dali, Don! Saka sa itaas sa balay kay nag-inusara lang ko! Mohatag ko'g kinintos pesos, basta kantahan ko nimo'g mga standard nga love songs! Tua sa botika ang duha ko ka mga anak dalaga nga nagbantay...!"

Wa makabalibad si Dondon sa biyuda. Nakapanglad-ok siya nga mitutok kang Fe nga nagsul-ob og pakigol nga shorts ug hilabihang bus-oka pa sa dughan nga mihulma sa gisul-ob niining bodyfit nga t-shirt. Nasayod siya nga naibog kaniya si Fe, apan maulaw lang siya manguyab niini. May gihunghong kaniya ang biyuda niadtong gabhiona.

"Don! Adto ko daygoni sa sulod sa akong  lawak bi, sa lahi nga matang sa panaygon...!" Labaw pa’s nalumay si Dondon.

Nagbutokbutok ang iyang dughan nga mikuyog sa biyuda sa sulod sa lawak niini alang sa lahing matang sa pagpanaygon niadtong gabhiona nga nagsingabot na ang Pasko! (Katapusan)

 

ADTO ANG DAGHAN DONDON DUGAY GAMIT GANAHAN GANI KATAPUSAN NGA PASKO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with