Magkadugo

Dear Tita Salie,

Have a nice day. Just call me Jhonicz from Consolacion, Cebu, 24 of age. Duna koy uyab nga 15 yrs old pa ug magkadugo ra pud mi. Maglisod ko pagputol sa among relasyon kay dili na daw siya magtarong sa iyang pag-eskuyla kun makigbuwag ko niya. Pasabta ko, Tita Salie. Salamat.

* * *

Dear Jhonicz,

Ipokus lang sa una ninyo ang inyong panahon sa pag-eskuyla. Taas pa kaayo og mahimo ang panahon tali kaninyong duha. Ang pagdili pagtarong sa pag-eskuyla tungod lang kay duna nasakripisyo nga relasyon maoy dili gayod desisyon sa usa ka hamtong. Ang nahitabo kaninyo nga nagkauyab mo nga mga batan-on pa maoy bunga pa lamang sa pagkabatan-on nga ang-ang sa gugma. Sa magkahamtong na kamo, makadesisyon na kamo sa sakto. Ikaw, sa imong bahin, padulong ka na sa pagkahamtong, ikaw unta ang motabang niya sa pagpasabot sa sitwasyon. – Tita Salie