^

Banat Kalingawan

Kalabera

Sugilanon - Banat

Buntag. Nagubot ang sityo Camino kay may tawo nga giputlan sa ulo nga napalgan sa baybayon. Naglisod ang mga polis pag-ila kinsa ang maong tawo.

Unya niabot ang usa ka tigulang babaye. Human kini mosuling sa patay, kalit kining nisinggit. “Si Warly kini, ang akong anak!” Mingaab paghilak ang tigulang. Didto sa buhatan sa kapolisan, gisukit-sukit sa imbestigador ang tigulang. “Wa ba’y gikaaway kagabii kini sa Warly, Iya Marta?” ni SPO4 Victor Nuñeza.

“Wa, Sir. Didto kanang akong anak sa ilang Mayule kagabii,” tubag ni Marta. “Kinsa kana si Mayule?” subli nga pangutana sa polis. “Trato ni Warly nga taga Barangay Alegria,” ni Marta.

Gipatawag si Mayule sa polis apil ang usa ka Jerome nga labing suod nga amigo ni Warly. Apan ang mga kasayoran gikan kanila nakapasamot sa kalibog sa mga polis. Way matumbok nga responsable sa pagpatay ni Warly. Nanglabay ang katuigan. Namatay na si Iya Marta. Wa mahatagi’g hustisya ang kamatayon sa anak. Ug tingali sugo sa palad, sila si Mayule ug Jerome ang nagkadayon.

Usa ka hapon nagpahayahay sa baybayon ang magtiayon. Samtang nalingaw si Mayule nga namunit og mga kinhason, naglakaw-lakaw si Jerome sa hunasan ug nakakita siya’g alimango.

Sikupon unta ni Jerome ang alimango apan nisu’d kini sa usa ka lungag. Gikuot ni Jerome apan nahatig-ik siya kay gipaak siya sa alimango. Apan sa iyang pagbunlot, kalabera ang niukob sa iyang kamot!

Nakasinggit si Jerome sa kalisang! Nagkapagaw ang iyang tingog nga nagpanawag og tabang. Nagubot na usab ang baybayon sa sityo Camino, diin napalgang patay si Warly mga lima na ka tuig ang nakalabay. Didto sa buhatan sa kapolisan, gisukit-sukit si Jerome sa hepe. “May kaaway ka ba sa inyong dapit, Jerome?” ni SPO4 Nuñeza.

“Wa, Sir,” mubong tubag ni Jerome. Nagping-it kini sa kasakit. Padayong giukoban sa katingalahang kalabera ang tuong kamot niini. Daghan pang mga pangutana ang hepe, apan pulos pangambot na si Jerome. Wa’ damha, nga nakigsulti ang hepe sa kalabera. “Kalabera, kinsa ka man? Ikaw ba si Warly Inoc nga gipatay sa baybayon?”

Tagsa-tagsa nga nangatangtang ang mga ngipon sa atubangang bahin sa kalabera nga daw may kinabuhi nga namungot pagpaak sa kamot ni Jerome.

Nahasiga ang mga mata ni SPO4 Nuñeza. “Kinsay nagpatay kanimo?” kini ba si Jerome Macumao?” Nagdungan ka hingo ang nahabilin pa nga mga bag-ang sa kalabera nga miukob sa nagkadugo nga mga tudlo ni Jerome.  Natagak kini ug naligid sa ibabaw sa lamesa ni SPO4 Nuñeza! Kalit mitindog ang polis. Gimando diha-diha ngadto kang PO2 Mario Petallar nga posasan ug ibalhug sa prisohan si Jerome Macumao. (Katapusan)

ACIRC

ANG

APAN

ATILDE

BARANGAY ALEGRIA

IYA MARTA

JEROME

JEROME MACUMAO

MAYULE

MGA

NGA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with