Ligid sa hustisya

Atty. Conchito E. Germino (Banat) - August 28, 2015 - 10:00am

Domingo. Alas nuybe sa buntag. Samtang nag-inom og kape si Tirso Wahing sa terasa sa iyang balay, gipindot niya ang numero sa selpon ni Atty. Leo Indig, abogado sa kihante sa iyang kompaniya.

Nipasalig si Atty. Glen Ipsot, abogado ni Wahing nga makig-estorya si Atty. Indig kaniya. Nibagting ang selpon sa pikas linya. “Hello” tubag sa pikas linya.

“Palihug ko ni Atty. Indig,” ni Wahing. “Speaking” sa pikas linya.

“Attorney, si Tirso Wahing ni. Puwede hangyoon nimo ang imong kliyente nga di na lang ko niya pabayaron og interest?” ni Wahing.

Operator si Wahing sa Wahing Transit. Niadtong 1990, nakasaghid og tawo ang iyang usa ka bus. Nabali ang wala nga bukton sa tawo. Naospital bali’g usa ka bulan.

Tungod sa disgrasya, nagbitay na lang ang bukton sa tawo nga si Dante Salmote, wa na’y gamit. Nidangop si Salmote ni Atty. Indig ug iyang gilabanan.

Paglabay sa 26 ka tuig nga pending ang kaso gikan sa Regional Trial Court, sa Court of Appeals ug hangtud sa Supreme Court, nahuman na g’yud.

Pulos nidaug si Salmote sa tulo ka korte. Nakadawat na og writ of execution si Wahing. Pabayaron siya sa Sheriff og P440 mil ngadto ni Salmote.

Kun nibayad pa lang dayon si Wahing paggawas sa desisyon sa RTC, P200 mil ra unta ang iyang bayranan. Apan tungod sa paglamay og 26 ka tuig sa kaso, duna g’yuy interest nga napatong.

Bag-o pa nga pasar sa bar si Atty. Indig pagsugod sa kaso. Karon, nangapo na siya.

“Ako lang sultihan ang akong kliyente sa imong hangyo. Pero, di ko kapasalig nga mosugot siya kay ang imo man sab nga abogado ang nakapalangay sa kaso sa pagsigi og apelar. Sayud bitaw ka nga hinay kaayo motuyok ang ligid sa hustisya” ni Atty. Indig.

“Anus-a man ko motawag nimo’g usab attorney aron pagsuta kun OK ba ang akong hangyo?” ni Wahing.

“Ugma,” ni Atty. Indig. Gipindot ni Wahing ug gibutang ang selpon ibabaw sa lamesa. Nakapanghupaw.

Apan pagkasunod adlaw, nausab ang hunahuna ni Wahing. Kay gihatagan siya sa Sheriff og lima lang ka adlaw sa pagbayad. Kun di siya kabayad, nahadlok siya’g mobira unya ang Sheriff og usa ka bus ug madaot ang dungog sa iyang kompaniya.

Niisyu na lang siya og tseke. Awahi kanunay ang pagmahay kay iya man ‘sab giingnan ang iyang abogado nga paabton g’yud sa Supreme Court ang kaso.

ACIRC ANG APAN ATTY COURT OF APPEALS INDIG NGA SALMOTE SUPREME COURT TIRSO WAHING WAHING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with