Wa’y mapriso sa utang
Sugilanon - Atty. Conchito E. Germino (Banat) - August 6, 2015 - 10:00am

Samtang gipindut-pindot ni Atty. Ulric Tanto ang keyboard sa iyang computer ning sayo nga kahaponon, nakapahiyom siya nga nagbasa sa Formal Offer of Exhibits gikan sa atbang niya nga abogado.

Gikiha ni Atty. Arman Nati og kaso nga Estafa si Mildred Asgad. Nakapahiyom si Ulric nga naghandom sa iyang pag-cross examine ni Lily Gajob, complainant batok ni Mildred.

“Di ba P.O. ra man ang nadawat ni Mildred gikan nimo?” gisukna ni Ulric si Lily. Mitangdo ‘sab si Lily. “Di ba sa husay ninyo sa barangay katulo ka higayon, utang ang gihisgutan didto?” dugang ni Ulric.

“Di ba sa Certificate To File Action, collection gihapon sa utang ang gihisgutan?” Mitangdo gihapon si Lily. “Di ba sa demand letter gikan sa imong abogado, utang gihapon ang gihisgutan?” ni Ulric.

Mura’g gusto ni Ulric nga laangon si Lily. “Hasta pud sa imong affidavit-complaint, account of outstanding obligation ang gihisgutan?” Mitangdo si Lily.

“Unya ngano nga Estafa man ang gipasaka nimo nga kaso batok kang Mildred?” Wa katingog si Lily hasta ang iyang abogado nga si Atty. Nati.

Duha ka tuig ang nakalabay una pa nadawat ni Ulric ang offer sa mga dokumento gikan ni Atty. Nati. Mao ni ang kasamtangang gihimoan ni Ulric og tubag. Gihimoan niya og komentaryo kun angay ba nga dawaton sa husgado ang mga ebidensiya ni Lily.

Laing duha ka tuig ‘sab ang nakalabay nga wa’y notisya gikan sa huwes kun anus-a ang sunod nga bista. Nasabot ni Ulric nga ang huwes wa’y gana mobista sa kaso kay wala may mapriso sa utang.

Ang problema karon ni Ulric kay dugay na nga wala nibisita kaniya si Mildred. Giutang ‘sab ang iyang mga appearance fees ug ubang serbisyo sa kaso. (Kataposan)

ACIRC ANG ARMAN NATI CERTIFICATE TO FILE ACTION FORMAL OFFER OF EXHIBITS LILY LILY GAJOB MILDRED ASGAD MITANGDO NGA ULRIC
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with