^

Banat Kalingawan

Suki nga pasahero

WILD ORCHIDS - Cindy Jones - Banat

Gula 7

Diha’ng giabot na sila og kakapoy sa pagsige’g sayaw, namahuway sila si Val ug Lorena.  Nalantawan nila ang lingkoranan ilawom sa kahoy nga dili halayo sa diskohan. “Adto ta didto manglingkod,” giingnan ni Lorena ang iyang higala.

Sa ilang nahimutangan, dili na kaayo lanog ang tingog sa sound system gikan sa diskohan. Nakaalinggat si Val nga gipaningot pag-ayo si Lorena sa pagsige’g sayaw. “Basa kaayo ang imong buko-buko Lor, puwede trapohan nako’g panyo ang imong buko-buko,” matud ni Val dungan sa pagkuot sa iyang panyo.

“Hala uy, kaikog baya nako nimo. Ma-in love ra man ta nimo Val uy, caring ka man kaayo nako,” matud ni Lorena nga nagpahiyom. Wala motubag si Val gawas sa pagpahiyom ug gitrapohan sa singot ang buko-buko sa dalaga.

Human niya’g trapo, mapasalamaton kaayo si Lorena sa iyang gihimo. Gikuha niini ang gigunitan nga panyo ni Val ug siya na usab ang mitrapo sa nawong sa ulitawo. Sangko sa langit ang gibati’ng kalipay ni Val samtang gitrapohan siya ni Lorena.

Bisan og wala pa sila’y relasyon apan ang ilang gihimo susama na sa maghinigugmaay. “Salamat kaayo Lor ha? Kanindot g’yud unta kun ako ka pa’ng girlfriend,” tuaw ni Val dungan sa pag-agbay niya kang Lorena.

Mipahiyom si Lorena ug iyang nasabot nga dili siya maglisod sa pagpasugot sa dalaga. “Dawaton ba nimo ang akong gugma Lor?”  matud ni Val. Samtang giagbay niya ang tuo niyang bukton, mapinanggaon nga gikusi-kusi ni Val ang aping sa dalaga.

Gipaundayonan lang siya ni Lorena nga ingon sa nakagusto sa iyang gihimo. “I love you Lorena,” matud ni Val dungan sa pagdip-ig sa iyang lawas ngadto sa lawas sa dalaga.

Milingi si Lorena kang Val. Mipahiyom kini nga mitutok kaniya. “I love you too Val.” (Sumpayan)

ADTO

BASA

BISAN

BUKO

DAWATON

LORENA

MIPAHIYOM

VAL

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with