^

Banat Kalingawan

Lamat

Sugilanon - Jethro Barita Ochea - Banat

Gikan sa apartment sa dalan Echavez nga maoy gi-estaran nilang Jefrey ug Jomar, maoy gidulong na usab nila ang suking karenderya nga maoy ilang kan-anan matag pamahaw, nga daplin lang sa dalan.

Manag-agaw sila si Jefrey ug Jomar nga taga amihanang probinsiya sa Sugbo ug parehas nang gradwado sa kursong Accountancy ug nag-review sa usa ka inilang pribadong unibersidad alang sa umaabot nga board examination sa pagka-CPA.

“Gaw, Jef, unsay imong sud-anon ron sa atong pamahaw?” ni Jomar nga misugod nag pasiklap sa gi-displeng mga sud-an sa suking kan-anan.

Apan nakalantaw si Jefrey sa atbang. May bag-ong kan-anan sa atbang nga daghan kaayong nangaon ug gikamay siya sa puti ug guwapang tindera.

“Uy, naa may bag-ong kan-anan sa atbang! Karon pa tingali ni nagbukas nga maong kan-anan! Gwapa ra ba kaayo’g tindera!” tuaw ni Jefrey sa hilom nga midagpi kang Jomar.

“Adto una ko’s atbang, Gaw Jom...!”

“Asa man ka, Gaw Jef? Mamahaw na ta...!” Abtik nga milabang si Jefrey sa atbang nga wa manumbaling kang Jomar. Giduol dayon niya ang puti ug guwapang tindera nga nagpangamay kaniya.

“Testing og kaon sa among karenderya, Sir...!” matud sa puti ug guwapang babaye nga miabi-abi kang Jefrey.

Mga lamiang sud-an ang nakadisple - mga humba, tinula, beefsteak, kalderitas ug linat-ang baka. Gikamay ni Jefrey si Jomar didto sa atbang kan-anan, apan wa kini magtagad kaniya.

“Linat-ang baka lang akoa, guwapa ug kan-ong humay!” mipahiyom si Jefrey nga gisukaran dayon sa puti ug guwapang babaye sa kan-ong humay ug linat-ang baka. Mipahiluna sa paglingkod si Jefrey sa bakanteng lamesa ug misugod paghigop ug kaon sa linat-ang baka. Apan...

“T-tab-ang kaayo! Way lami, guwapa! Asin, bi...!” misinggit si Jefrey nga maoy nakapatindog sa tanang nangaon ug miduol kang Jefrey. Gitabangan siya og tukmod. “Gawas ning kan-anan! Ayaw’g singgit-singgit anang asin nga maoy kontra namo! Pahawa dinhi....!”

“Nag-unsa man ka didto’s atbang, Gaw Jef! Mura man ka’g may gikasulti anang dakong punoan sa mahogany, uy! Nagbaragbarag man kang milabang og balik dinhi sa atbang! Mamahaw na ta, uy....” tingog ni Jomar nga nabati ni Jefrey.

“H-ha? tubag ni Jefrey nga mibalik og lantaw sa atbang. Unsa bang hitaboa nga wa na may karenderya siyang nakita sa atbang. Bugtong ang dakong punoan sa mahogany maoy nagbuntaog pagtuybo sa atbang, nga daplin sa dalan. (Kataposan)

ANAN

APAN

ATBANG

GAW JEF

GAW JOM

JEFREY

JOMAR

KAN

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with