Tigbakay sa sigbin
Sugilanon - Apronianito F. Miramon (Banat) - December 15, 2014 - 12:00am

Pila pa lang gani ka adlaw sukad nahiabot si Reykoy sa Sityo Pulag-udlot, ang dapit sa iyang asawa nga si Demia, apan daghan na siyang nahimong higala. Kini tungod sa iyang pagkamahiligon sa sabong. Usa na niini si Delo, usa usab ka sabongero.

“Kuyog unta ta’s tigbakayan inig ka bisperas Koy “imbita ni Delo kang Reykoy.” Ako’y masyada.”

Yango la’y iyang gitubag.

Pagkabisperas, nagpaabot si Reykoy kanus-a moyamar ug ihaw sa baboy iyang ugangan nga si papa Osong ug mama Leoncia. Apan wala gyu’y nangginano, wala gyu’y minghigot og ihaw ug labi nga wala gyu’y baboy nga ming-iwigik sa mga kasilinganan.

Pagkataud-taod ming-abot si Delo ug nagkuyog sila paingon sa tigbakayan nga maoy ilang sabot. Nahibulong siya kay wala may nagdala og manok didto sa tigbakayan.

“Pila na ka sultada?” pangutana ni Delo ngadto sa ilang gikasugat.

“Ikaupat na kining buhian karon” tubag niini. Naglibog si Reykoy kay grabe ang masyada apan wa gyud siya’y nakitang manok.

“Lo, unsaon man nato pagpusta ana?” pangutana niya kang Delo tungod sa iyang kalibog,” sige man sila’g masyada apan wala man ko’y manok nga nakita nga maoy magsabong?”

“Wa diay ka sultihi ni Demia kabahin sa among pista diri?” balos pangutana ni Delo kaniya dayong hawid sa iyang tuong bukton.

Halos manglugsot iyang kalimutaw (basta gunitan gud kuno ka sa tawo nga adunay buhing sigbin makakita na sab ka niini) sa kahikurat kay ang iyang nakita diha sa ruydahan nga maoy magtari mga mananap nga magtuwad ang linaktan ug hilabihan ka mangtas tan-awon.

“Sigbin maoy among itari...”esplikar ni Delo “Ug ang mabihag maoy ihawon sa pista.”

Wa gyud magdahom si Reykoy nga mga sigbinan diay ang mga molupyo ning dapita. Wa gyud siya maghuna-huna nga makakaon na gyud  og potahe gikan sa sigbin. Sa iyang bana-bana, di siguro tanang tawo dinhi sa Sityo Pulag-udlot sigbinan. Labi pa ang pamilya sa iyang asawa. Bisan kausa wa gud maghisgot si Demia kabahi’g sigbin. Usa pa mga desinte ug propesyonal baya ang banay niini.

Apan labihan ang iyang kahingangha dihang iyang nakita si papa Osong nga misulod sa ruydahan kay mao na sab ang mobuhi sa sunod nga sultada. (Katapusan)

 

 

APAN BISAN DELO DEMIA IYANG OSONG REYKOY SITYO PULAG
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with