Self-made man

Sugilanon - Atty. Conchito E. Germino (Banat) - August 15, 2014 - 12:00am

Tungod kay sa wa pa naabogado, onse anyos nga nag-alagad si Atty. Roger Pregon isip legal researcher sa usa ka inilang abogado, nailhan na sab siya sa mga huwes.

Ug sa una niyang kupot og kaso nga hinatag sa iyang amo nga si Atty. Andres Paras, gidayeg siya sa usa ka huwes ug gipaila sa ubang abogado, mismo sa husgado ni Judge Grace Ebonaw. Dunay simple nga kaso nga usa lang ka petisyon natawag sa sala ni Judge Ebonaw. Pagtindog sa pag-ingon, “Respectfully appearing for the petitioner, Your Honor” nitubag dayon ang huwes.

“Welcome to the club of legal minds panyero. Companyeros and companyeras, for those who do not yet know this new lawyer, this is Atty. Roger Pregon, a self-made man!” mapahiyumong anonsiyo sa huwes nga suod nga higala ni Atty. Paras. Nanglipaghong si Roger nga napugos og pahiyom ug yangoyango sa mga abogado’g abogada sulod sa husgado. Namakpak ang mga tawo. Taudtaod una nahilom. “Thank you, Your Honor for such a generous introduction. But with all due respect, there is no such thing as a self-made man. Only God is self-made. And the rest of us are his creatures,” ni Roger. Nagpahiyom.

“Tan-awa ra gyud na siya o. Very humble” sa huwes, nga sayisintahon na, susama’g pangedaron ni Atty. Paras. “I believe Your Honor that no man is an island. No man can stand alone. I became what I am now because of the help of a lot of people, like my parents, siblings, friends and relatives, especially Atty. Paras, and all the rest of my friends who believed in me. Naningkamot lang ko Your Honor. Nanginteres nga maabogado, ug ginuntan gyud sa paningkamot ug ampo sa Diyos. I proposed to God that I want to be a lawyer. He disposed that I am qualified. Man proposes, God disposes. So I am not a self-made man” ni Roger. Nitindog ang huwes. Nipakpak. Nanindog ang tanang diha sulod sa husgado ug namakpak.

Nanglipaghong og samot si Roger. Di siya makatoo nga hatagan siya’g importansiya ni Judge Ebonaw. Karon pa nahitabo nga naputol ang bista sa mga kaso alang sa pagpasidungog sa usa ka bag-ong abogado. Ug hilom nga nanumpa si Roger nga dili niya ipagamit ang iyang propesyon sa dautan. (Kataposan)

 

ANDRES PARAS JUDGE EBONAW JUDGE GRACE EBONAW NANGLIPAGHONG ONLY GOD ROGER ROGER PREGON SO I YOUR HONOR
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with