Dear Tita Salie,
Just call me Ms. Prettyhot, 28, married and I have 3 kids. My problem started when my husband left for abroad to work. Pwerti unta nakong lipaya nga nakakita na og trabaho ang akong bana apan wala ko masayod nga sa iyang paglarga modako ang akong problema. Bag-o pa lang siya nga milarga, Tita Salie, apan naka-uyab na dayon didto. Wala pa g’yud siya makapadala og kuwarta aron duna mi magamit dinhi. Wala g’yud siya nagpadala og sustento alang sa iyang mga anak. Panagsa ra ‘sab siya motawag ug lisod pang kontakon. Unsa may maayo kong buhaton? Palihog pasabta ko, Tita Salie.
* * *
Good day Ms. Prettyhot,
Ayaw dayon pagtuo sa mga tabitabi diha sa silingan tungod kay dili kini makaayo kaninyo sa imong partner labi na karon nga lagyo mo sa usa’g-usa. Ayaw usab paghunahuna og daotan batok sa imong partner tungod kay makaguba gyud kini sa inyong nindot nga relasyon.
Giunsa man nimo pagkahibalo nga duna laing uyab ang imong bana didto sa laing nasud? Nakita ba nimo siya nga dunay gikabuangan nga laing babaye. Misulti ba siya kanimo nga duna siya’y laing babaye didto?
Kun wala’y kasegurohan ang atong nahunahunaan ug kun makadaot lamang kini sa atong kinabuhi nganong ato pa man kining paundayonan.
Nasayod ka ba sa kahimtang karon sa imong bana didto sa laing nasud? Nakapangutana ka ba kun makakaon ba siya ug wala ba siya maglisod?
Hunahunaa una ug maayo pay imong siyang i-ampo nga unta safe siya bisan kun wala pay kuwarta nga gipadala ang imong bana. -- Tita Salie