^

Banat Kalingawan

Gugma nga makabuang

Cindy Jones - Banat

Misulod si Lino sa usa ka imnanan diha sa dalan Legazpi. Miorder siya og usa ka botelya sa serbisa. Gusto ni Lino nga lab-ason sa iyang kaisipan kadtong kaagi niya sa gugma uban ni Hazel, promo girl sa kompaniya sa beer nga dinhi nagtrabaho niini’ng mao nga imnanan. Wala na’y nakaila ni Lino sa mga promo girls sa tindahan, dili sama kaniadto nga inigsulod pa lang niya sugaton ug abi-abihon na siya sa mapahiyumon ug mga seksi nga promo girls, ilabi na si Hazel nga nakapadani sa iyang kasing-kasing.

Sanglit wala pa’y daghang kustomer sa tindahan mga alas kuwatro sa hapon, nakapili pa si Lino kun asa siya magpahimutang. Gipili niya kadto’ng lamesa nga nahimutang kilid g’yud sa kahera nga paborito nila nga lingkoranan ni Hazel kaniadto.

Nindot ang mao nga lugar kay dili kaayo apupa sa panan-aw sa mga mosulod sa imnanan. Sila ang una nga makakita sa mosulod ug wala ‘say laing tawo sa ilang likud. Nahandom ni Lino nga didto niadto’ng dapita nga gisugot siya ni Hazel.

Tam-is kaayo handumon ang ilang kaagi. Dili g’yud mosipyat nga mag-duet sila pagkanta sa “Endless Love” nga gipasikat nila ni Diana Ross ug Lionel Richie. Ingon sa nalubong si Lino sa halawom kaayo nga paghanduraw sa iyang kagahapon uban ni Hazel.

Karon, wala na si Hazel sa iyang kiliran. Miorder si Lino og laing usa ka botelya nga serbisa. Pagbalik sa promo, giingnan ni Lino ang mga promo girl nga pakantahon niya kini ug siya ra ang mobayad.

 Nagbanus-banos ang mga promo pagkanta. Natandog kaayo si Lino diha’ng gikanta sa usa ka promo girl ang kanta ni Verni Gonzales nga “Dalawa Kami’ng Api.” Wala kapugngi ni Lino ang paghilak nga namati sa lyrics. “Isa lamang talaga, ang dapat na mahalin. Dalawa kami’ng sabay na may suliranin. Kung ang irog mo ay dalawa, palayain ang isa. Liligaya ng lubos ang iyong pagsinta.” (Sumpayan)

DALAWA KAMI

DIANA ROSS

ENDLESS LOVE

LINO

LIONEL RICHIE

MIORDER

PROMO

VERNI GONZALES

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with