Personal bias
Ngano man ni, attorney? Nga pildi man lang gihapon ta? Wa man unta tay kontra?†reklamo ni Serge Galo ngadto ni Atty. Edno Rayos, sulod sa bupete sa naulahi ning alas diyes sa buntag sa pagbisita sa kliyente.
Gi-dismiss ang kaso ni Serge sa Regional trial Court. Unya, niapelar sila sa Court of Appeals. Gi-affirmed sa Court of Appeals ang pag- dismiss sa ubos nga husgado. Kun ma-affirmed gani ang hukom sa ubos nga hukmanan, nagpasabot nga ang labaw’ng hukmanan nibarog nga husto, way sayop ang hukom sa ubos nga hukmanan.
“Moingon lang gihapon ko nga wa ma-appreciate sa labaw’ng husgado atong kaso. Mosaka na lang ta sa Supreme Court†ni Edno. “Unya, kun moingon ang Supreme Court nga affirmed gihapon ang hukom sa Court of Appeals?†ni Serge. “Mobalik na lang ta’s square one. Magsugod ta’g usab, ug tumanon na nato ilang gusto.†ni Edno.
“Unsa may hinungdan nga gi-dismiss man atong kaso sa RTC?†ni Serge. “Kini gong atong petisyon sa pagpaisyu og bag-ong titulo sa yuta, hulip sa nawala, gusto ang huwes sa RTC nga mosulti imong iyaan nga mao gyu’y tag-iya sa yuta. Ikaw nga attorney in fact lang, dili tuohan imong panistigos. Kay kuno, dili ikaw ang nagpirma sa Affidavit of Loss. Imong iyaan,†ni Edno. “Duna gyud nay personal bias ang huwes sa RTC. Nanguyab man gud na’s akong iyaan sa batan-on pa sila. Unya wa sugta. Gusto lang niyang lisud-lisuron akong iyaan,†ni Serge. “na, wa na koy labot ana. Naningkamot lang ko’g palusot sa akong argumentong legal. Apan wa man gyud tuohi,†ni Edno. “Wa koy mahay nimo, attorney. Nasayod kong husto ka. Apan gibutaan lang ning mga huwes sa ilang personal bias. Wa guy oppositor atong kaso. Unya atong mga ebidensiya, public record, public document ug mga notaryado tanan. Di na nila dapat kotekotehon. Neutral man kaha ang husgado. Wa may nibabag. Di sila angay nga mobabag†ni Serge.
“Duna gyud sila’y personal bias, nimo pa?†ni Edno. “Duna gyud. Ang husgado, isip opisina sa gobyerno, ang opisina sa gobyerno, angay motarong sa pagserbisyo sa publiko. Tanang empleyado sa gobyerno, public servants. Dili nila angay lisodlisoron ang tawo. Kay the authority of the government emanates from the people. Our government is government of the people, by the people and for the people†ni Serge. “Yati ra gud nimo, Serge. Diin man ka ana?†ni Edno. Nahingangha sa gipamulong sa kliyente. “Sa atong Constitution. Political Science graduate gud ko. Nganong niingon man si Presidente Noynoy “Kayo ang boss ko� Tungod kay ang gobyerno para’s tawo. Ang mga magbubuhis maoy nagbayad sa ilang suweldo. Busa dili unta nila angay lisodlisoron ang mga tawo nga maoy tumong sa serbisyo sa mga public servants,†ni Serge. Nahilom si Edno. Ug nakatuaw sa hilom “Korek ka diyan!†(Kataposan)
- Latest