Kanunay bastoson

Dear Tita Salie,

Have a great day. Just call me Cheril. I am still single, ug nagproblema ko mahitungod sa akong kaugalingon.

Naglagot lang ko sa akong kaugalingon, Tita Salie, ug makapangutana ko kun nganong hangtod karon wala paman gyod koy uyab.

Dalaga na ko  ug dili man ko batig nawong. Matud pa gani sa uban nga hitsuraan daw ko. Apan ang ako lang masulti parti nako is medyo bugal-bugalon lang gyod ko.

Kanunay sab ko nga bastoson sa mga lalaki bisan kun dili mi kaila. Usahay kanang mag-internet ko, dunay mokalit pagduol nako ug hikapon ang akong totoy. Wala koy mahimo kundili igo lang ko sa paghilak. Nganong ingon man ko niini, Tita Salie? Palihog pasabta intawon ko. Thank you very much.

* * *

Hi, Cheril

Wala’y problema ang pagbugal-bugalon. Hinuon, nindot pa gani kini nga batasan aron aligre ang grupo ug dili boring tungod kay duna may magpasiaw.

Apan kinahanglan usab nga dili manobra ang imong pagkabugal-bugalon to the point nga mawad-an na hinuon og respeto ang mga tawo diha kanimo. Kinahanglan nga kun magbugalbugal ka pilia ang bugal-bugalan nga dili madaot ang imong pagkatawo. Kay tungod sa imong pagkabugal-bugalon nga sobra na mao kini ang hinungdan nga dili ka respetohan ug dili ka usab seryosohon.

Apan dili pa uwahi ang tanan. Puyde pa nimong usbon ang imong imahe. Imong usbon ang imong kinaiya ug menus-menusi ang imong pagkabugal-bugalon. -- Tita Salie