May kastigo ang inhustisya
SUGILANONG LEGAL - Atty. Conchito E. Germino (Banat) - March 14, 2014 - 12:00am

Lahi ang kahimtang tali sa huwes ug abogado. Ang abogado nahisama lang sa estudyante sa huwes. Tungod sa kasong gigunitan sa abogado, ang abogado naa ra sa tumoy sa bolpen sa huwes. Agad sa kalooy sa huwes. Sama sa estudyante nga naa ra sa tomoy sa bolpen sa magtutudlo. Agad sa kalooy sa magtutudlo. Mao sab ang huwes. Bisa’g unsa ka maayong laki ang abogado, bisa’g unsa ka lig-on iyang ebidensiya o argumento, naa ra sa huwes kun padag-on o pildihon ba siya sa kaso nga naa sa husgado sa maong huwes.

Biyernes. Alas nuybe sa buntag. Nibutho si Atty. Ulric Kolohok sa courtroom sa Municipal Trial Court, Branch 77, sa lungsod sa Budlama. Nahibulong siya kay mingaw. Way bista. Duna man unta siya’y gipasaka nga motion ug gipangayo niya sa Clerk of Court nga ang bista sa maong motion, karong buntaga. Nisulod siya sa opisina sa mga kawani sa husgado. “Submitted for decision na lang kono imong motion” matud ni Chona, interpreter sa husgado. “Ok lang. Wa diay ang huwes ron?” n Ulric. “Dunay urgent personal business nga giatiman” ni Chona “Ang Clerk of Court diay?, si Mrs. Cathy Dangatang?” ni Ultric. “Nag-emergency leave” ni Chona. Nagpatosotoso lang si Ulric nga wa nasayod kun hain si Mrs. Dangatang. Dunay nag-teks niya nga silingang nurse nga nakaila ni Mrs. Dangatang. Operahanan si Mrs. Dangatang kay dunay toxic goiter.

Nasayod si Ulric nga dunay hilom kasuya, kalagot o pagdumot si Mrs. Dangatang niya. Tungod sa ka mitikuloso ni Ulric sa grammar, tense o proper English sa mga Desisyon o Order iyang madawat gikan sa husgado, nga kasagaran hinimo ni Mrs. Dangatang. Gradwada og abogasya si Mrs. Dangatang. Nikuha na og bar exams. Apan wa kapasar. “Mao gyud nay unang hinungdan nga di gyud siya kapasar sa bar. Kay ang mga pulong malversation ug embezzlement, magkabalibali” tuaw ni Ulric sa hilom. Plastikan lang ilang tinagdanay sa usa’g-usa. Unya tungod sa hilom nga suyaay, lagotay ug dumtanay, tulo na ka kaso ni Ulric sa husgado ni Mrs. Dangatang, nga napildi siya bisa’g lig-on og ebidensiya iyang kliyente o bisan wa gani kontra. Wa gyud sila kadungog og ngil-ad nga istorya gikang Ulric. “Apelar lang ta” mao ray masulti ni Ulric. Naa ra god siya sa tomoy sa bolpen sa huwes, nga maminaw usahay sa sotsot sa clerk of court.

Apan pagdayong biya ni Ulric sa husgado, wa gyud siya kapugong sa pagbuhi sa mga makahuloganong pulong. “May kastigo ang inhustisya.  Labi na’g taga husgado ang mobuhat sa ingon!” niya pa. Nanigang mga mata ni Chona. Nakapanglab-ok sa laway. Igo na lang nisunod og tan-aw ni Ulric nga nitalikod. (Kataposan)

 

ANG CLERK OF COURT CHONA DANGATANG HUWES MRS MRS. DANGATANG SIYA ULRIC
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with