Mananaygon
Gula 7
Wala na makaantus si Robert nga nagtan-aw ni Marilyn.Anam-anam nga gigakus ni Robert ang dalagang probinsyana. Milugnot paghinay si Marilyn. “Ayaw Bert, ayaw ko’g binuangi, malooy ka,†daw kahilakon si Marilyn nga nagpakilooy sa ulitawo.
Gialam-alaman ni Robert si Marilyn ug gipasabot sa tinuod niya nga pagbati ug nga wala siya’y tinguha nga binuangan ang dalaga. “Isaad nako sa Labaw’ng Makagagahum Lyn nga higugmaon ko ikaw ug akong pakaslan. Dili ko ikaw binuangan,†matud ni Robert. Mihilak si Marilyn. Gitabonan niya ang iyang nawong sa duha niini ka palad. Misamot ang kaikag ni Robert nga angkonon si Marilyn sa mao nga higayon apan diha sa iyang kaisipan nga dili niya pugson ang dalaga.
Gigakus ug gihagkan ni Robert ang dalaga. “Wala ba diay ako’y luna sa imong kasing-kasing Lyn? Akong ipasalig nga kun imo akong higugmaon, ipatagamtam ko kanimo ang kalipay. Panggaon ko ikaw Lyn ug ikaw ang himoon ko’ng rayna ning atong panimalay,†ni Robert.
Wala na motingog pa si Marilyn. Sa unang higayon gihagkan ni Robert si Marilyn diha sa iyang mga ngabil. Dili matukib sa kalipay ang gibati ni Robert nga nahagkan niya ang babaye nga nakat-onan na niya sa pagmahal.
Daw mibalik kang Robert ang kalagsik. Nagkainit ang iyang kalawasan ug gipakaligo niya sa mga hawok ang gwapa nga probinsyana. “I love you Lyn,†matud ni Robert samtang padayong miparayeg sa dalaga.
Takulahaw lang nga mibawos na sa pagparayeg kang Robert si Marilyn. Sangko sa langit ang gibati’ng kalipay ni Marilyn ug Robert samtang nagsawo sa kalalim sa gugma. Giangkon ni Robert si Marilyn ug nasuta sa ulitawo nga birhen pa gayud ang dalaga.
“Mogawas na ko ha kay basin pangitaon na unya ko ni Lola,†matud ni Marilyn nga daw nabalaka nga madudahan sila sa iyang apohan. “Ayaw kabalaka Lyn, ugma sa buntag akong sultihan si Lola nimo nga gikan karon, anhi na kamo uban kanako,†ni Robert pa.
Gihatud ni Robert si Marilyn sa lawak nila ni Nang Felomina nga apohan sa dalaga. Pagka ugma sa buntag, gitug-anan g’yud tuod ni Robert ang apohan ni Marilyn nga may relasyon na sila ug ang iyang apo.
“Dinhi ka na puyo uban kanamo ni Marilyn sa balay Lola. Gikan karon, imo na usab ako nga apo kay pakaslan nako si Marilyn,†giingnan ni Robert si Nang Felomina nga daw nakurat kaayo sa kalit nga panghitabo.
Kaniadtong miaging Domingo, sakay sila si Robert ug Marilyn sa kotse ug gibalik nila ang dapit sa dalan Borromeo nga diin didto unang nakit-an ni Robert ang iyang asawa nga apo sa mananaygon. - b
- Latest
