Hubad sa damgo

Hi prof,

Magpahubad pud ko sa ako damgo prof. Nagdamgo ko prof bah nga ni sud daw ko og balay. Concrete siya na haws prof nya walay tawo. Nisaka daw ko sa hagdanan hibong ko kada-tikang nako sa ang2x sa hagdanan mahugno man prof, hangtod naabot ko sa taas. Dili nako kanaog kay nangahugno na ang hagdanan. Unya nitan-aw ko sa bintana, nanawag ko og tawo para motabang nako, pagka taud2x naabot akong sis-in-law prof. Nahibong ko kay nakasaka man siya sa taas ni ask ko niya giunsa nimo pagsaka teh nga  naguba man ang hagdanan. Wala naman siya nitubag prof ky nakamata naman ko. Pls ko hubad prof hah. thanks!  — Nyl

Nyl,

Kini imong damgo nagkahulugan nga daghan ka’g maagian nga mga pagsuway, usa nimo makab-ot ang imong mga pangandoy sa kinabuhi. Ang nakapait pa gyud imbis nakiglayog ka sa mga problema sa kinabuhi, pakapinan pa gyud sa mga tawo nga modaut sa imong pagkatawo. Kinahanglan gyud kahugot nga mga pag-ampo aron dili ka dali nga mo-surrender. Usahay pa gyud, makapangutana ka sa Ginoo nganong daghan man ka’g mga pagsuway kay sa ubang mga tawo? Dili man gyud malikayan kung grabe na ta’g gisagubang, makapangutana ta, "nganong ako pa man?” Hunahunaa lang gyud permi nga naay plano ang Ginoo para nimo... kung dili man gani tubagon ang imong mga gipangayo, nagpasabot nga naay mas labaw pang gigahin ang kahitas-an ok?

Hugot nga pag-ampo gyud imong kinahanglanon. Ayaw gyud pagwagtang ani. Inig mata nimo, AMPO dayon! pasalamat! dayga ang imong kinabuhi, daghan og pagsuway man o' wala ok?

Amping!

Prof. Tata Swami

D' Swami (Descendant of Professor Swami)

Facebook page: https://www.facebook.com/BeyonddreamsBYdswami group page:https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].