Hello Prof. Swami

Paki hubad sa akong damgo mura gyud siya og tinuod, nalipay ko nga naglibog. Buhi daw akong mama sa damgo, nagtampo siya namo kay wa daw nibisita niya nga buhi daw siya. Pag-abot daw nako sa balay sa akong lola sige daw siya panglimpyo nanghipos sa mga sanina sa bata kay ngitngit daw ang balay. Unya akong papa naa sa pikas kuwarto wa miduol ni mama ug niingon si mama nako okey lang daw sa iya nga naay laing babaye si papa basta kami managsoon buo ug nagkasinabot malipay na daw siya. Nakamata ko hapit na mag alas 2am. Nakatulog  na pud ko, nagdamgo na pud ko. Gilubong daw akong mama, pagtan-aw daw nako sa kabaong kalansay na daw si mama ni ingon daw ko nganong kalansay naman si  mama. Grabe  daw nako hilak nakamata na pud ko nga nagbakho. Grabe ka sakit sa akong dughan gitiwas nako og hilak pagmata kay di ko kaginhawa.

— CJ

CJ,

Mangutana ko nimo, unsa man imong nabuhat sa una nga nahiubos og maayo imong mama nimo? Or kinsa man ninyo ang nakahibaw nga naay lain inyong amahan ug wa mosulti sa inyong mama?

Kato inyong inahan, luoran kaayo to, kay sa imong damgo nagpakita nga manglimpyo siya sa sanina sa bata kay ngitngit ang balay kung naa siya’y madunggan nga balita nga dili maayo, kinahanglan gyud nga makahibaw siya sa details kay lisod kung manluod to siya.  —Amping!  Prof. Tata Swami

D' Swami (Descendant of Professor Swami)

Facebook page: https://www.facebook.com/BeyonddreamsBYdswami group page:https://www.facebook.com/groups/beyonddreams.swami/

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].