^

Banat Kalingawan

Miretiro na si Isyot sa serbisyo

Sugilanon - Jenner S. Lobedica - Banat

Hoy, Isyot hapit ka na man lang moretiro sa serbisyo sa City Hall nagsige man lang gihapon tag pangabang og balay ug ang unom ka buok nimong anak hapit na pud mangadagko,” singhag pa ni Pepang ngadto sa iyang bana usa ka buntag niana.

“Sagdi lang antos-antos na lang og gamay’ng panahon kay inig retiro nako sunod tuig, ayohon tag gasto ang retirement benefits nga makobra nako pohon,” tubag ni Isyot.

Kalit lang nausab ang isog nga pamayhon ni Pepang ug mitingsi dayon kini.

“Mao ba, Syot... kung moabot man gani nang panahona daghan na diay tag kwarta?, paliti baya ko sa akong gusto ha?”

“Mao ka Pepang, makadungog lang gani ka’g money talks mag odoy-odoy dayon ka nako.”

“Unsa pa man diay Isyot ako god imong asawa, dako gyod nakong kalipay og tagaan ko’g kwarta sa akong bana.”

Pilay estorya nakaretiro na gyod si Isyot. Utility worker siya sa City Hall sa Danao. Motrayenta anyos siya sa serbisyo. Miabot na siya sa edad nga 60 anyos isip retirement age. Kompleto ang iyang mga papeles nga gisumiter ngadto sa opisina sa GSIS ug sa Pag-ibig.

“Pepang, Pepang! Naa koy nindot na balita nimo”.

“Unsa man kana ha?

“Aprobado na ang tseke nako sa GSIS ug mag-uban ta sa pagkuha ug sa pagpailis niini,” sanag ug malipayon kaayo si Isyot nga mitaho ngadto sa iyang asawa.

“Ha?!, tinuod ka Isyot, oy, oy, ug dili ta maglangan tana manglakaw nata,” mikisi-kisi dayon si Pepang ug dali ra kaayong nakailis.

“Makagunit na gyod kog igo-igong salapi ini, salamat sa Diyos!,” dan-ag ang kalipay nga gibati ni Pepang niadtong higayona.

Pagkatapos og kobra ni Isyot sa iyang mga benepisyo sa GSIS, Pag-ibig ug sa terminal benefits sa iyang gitrabahoan, mipalit siya’g yuta sa San Remegio ug nagtukod og balay.

Sa Talamban unta to sila mopalit apan mimahal na ang presyo sa yuta maong sa probinsiya na lang sila mipalit kay barato itandi sa yuta dinhi sa siyudad.

Nananom sila’g mais, lagutmon ug nagbuhi og mga kahayopan.

“Tan-awa Pepang, nakabalay na gyod kita og atong kaugalingon nga halayo sa sunog kay distansya man ang atong mga silingan,” mapahiyomon silang managtiayon nga nanambo na sa ilang balay ug yuta uban sa ilang mga anak ning sayong kabuntagon.

“Maayo gyong magtinarong ta sa atong trabaho aron adunay mapaabot nga grasya sa umaabot nga mga adlaw,” temang pa ni Isyot. (Katapusan)

 

APROBADO

CITY HALL

ISYOT

PAG

PEPANG

SA TALAMBAN

SAN REMEGIO

UNSA

  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with