Duha ka gituhoang gun for hire, sikop sa Talisay

CEBU, Philippines —  Duha ka gituohang gun for hire ang nasikop sa managlahing lugar sa Dakbayan sa Talisay niadtong Biyernes sa hapon.

Unang nasikop mao si Jose Roy Bacur Romares, 33 anyos nga taga Purok Guyabano, Barangay Lawaan 3.

Ang mga polis misulod sa sitio Mananga 2, Barangay Tabunok sa pagfollow up sa laing kaso nga ilang gisundan.

Ilang naabtan ang suspek nga adunay gibitbit nga .357 nga revolver nga adunay tulo ka mga buhing bala.

Mga alas 4 sa hapon, nakadawat og tawag ang kapolisan labot sa lalaki nga armado didto sa sitio Sambagan, Barangay Tanke.

Sa ilang pagresponde, ilang nakit-an si Jerry Garciano Badajos Jr., 32 anyos nga armado.

Usa ka .357 nga revolver ang naa sa iyang posisyon nga adunay lima ka buhing bala ug usa ang kabhang.

Ang duha ka dinakpan wala makapakita og dokumento sa ilang armas hinungdan sa ilang pagkasikop.

Si Police Lt. Col. Wayne Magbanua, hepe sa kapolisan sa Talisay nitataw nga ilang gisubay ang background sa duha.

Sa iyang pagtuo nga pulos sila mga gun for hire nga yano lang makadala-dala og armas.

Ang duha gikatakda nga pasakaan og kaso. (BANAT NEWS)