CEBU, Philippines — Si Archbishop Jose Palma sa Archdiocese of Cebu mopahigayon og mga Misa de Gallo diha sa pipila ka mga simbahan sa Sugbo nga magsugod karon Disyembre 16ngadto sa 24, 2023.
Sa Disyembre 16, 2023, si Palma anha magmisa sa Cebu Metropolitan Cathedral; Disyembre 18, 2023, anha sa Mother Ignacia Village, Pulpogan Consolacion; Disyembre 19, 2023 diha sa Barangay Nug-as, Lungsod sa Alcoy; Disyembre 20, 2023 anha sa Our Lady of the Immaculate Conception Parish sa Barangay Matab-ang, Dakbayan sa Toledo; Disyembre 21, 2021 anha sa St. John Paul II Quasi Parish sa Barangay Gaas, Lungsod sa Balamban; Disyembre 22, 2023 anha sa Holy Family Oratory CCTN; Disyembre 23, 2023 anah sa Sto. Niño Quasi Parish sa Barangay Nailon,
Dakbayan sa Bogo ug sa Disyembre 24, 2023 anha sa St. Michael Archangel Parish sa Barangay Lambusan, Lungsod sa San Remigio.
Si Palma nagkanayon nga nindot ang tradisyon nga Misa de Gallo diin sa lain dapit dili kini masinati ug makita ug kinahanglan nga magsakripisyo ug mosalig nga anaa ang Ginoo sa pagsaulog sa maong kalihokan.
Dugang ni Palma nga ang iyang pagpahigayon karon sa mga Misa de Gallo adto sa mga lagyo ug kasagaran niini mga gagmay nga parokya diin ang iyang punto gipakita ang pagpakita sa suporta nga nagpahinumdum nga padayon ang tanan sa panaw diin bisan gamay dili pasagdan sa Ginoo. — BDB (BANATNEWS)