CEBU, Philippines — Niabot sa 10 ka sakyanan ug usa ka motorsiklo ang gipang-clamp ug gi-towing atol sa pagsaulog sa sa kalag-kalag sa Siyudad sa Sugbo.
Kini ang gibutyag ni Racquel Arce, pangulo sa Cebu City Traffic Office (CCTO) nga nahinabi sa GMA Super Radyo DYSS.
Matud ni Arce nga usa ka motorsiklo ang ilang gi-towing tungod kay gibabag kini sa pag-parking duol sa sam-ang.
Samtang 10 ka sakyanan ang gi-clamp tungod kay nagpataka kini og parking.
Si Arce nagkanayon nga mobalik na dayon sila sa normal nila nga deployment human sa kalag-kalag.
Gibutyag ni Arce nga magpadayon ang ilang pag-clamp ug pag-tow sa mga motorsiklo ug sakyanan bisan pa og gi-parking kini sa gutter.
Giawhag ni Arce ang katawhan nga kuhaan og hulagway o video ang sakyanan nga nagpataka og parking kay ilaha dayon kini nga respondehan.
Ang pag-send sa hulagway diha sa ilang Facebook page o bisan sa iyang messenger ang ilang aksyonan. (BANAT NEWS)