^

Banat Balita

EO ipatuman alang sa paghawan sa sidewalks sa siyudad

Sanden J. Anadia - Banat

CEBU, Philippines — Gitinguha ni  Cebu City Mayor Michael Rama nga moluwat  og Executive Order (EO)  sa umaabot nga mga adlaw nga magtutok sa subsob nga pag-ayo sa mga sidewalk ug pagpahiuli sa orihinal nga gidak-on niini.

Samtang wa pa niya matino ang petsa sa pagpagawas sa iyang bag-ong EO, gitahasan ni Rama ang chairman sa Cebu City Traffic Management Board and Coordination Committee nga si Atty. Rico Rey Francis “Koko” Holganza nga mangulo niini nga kampanya.

Gitataw sa mayor nga ang maong lakang subay gihapon sa gitingoha nga direksyon sa siyudad nga masusama kini sa Singapore.

Lakip sa pilot nga area alang sa pagbalik sa pag-ayo sa sidewalk mao ang Gorordo Avenue ug Salinas Drive, ilabi na sa duol sa buhatan sa Technical Education and Skills Development Authority Central Visayas (TEDSA-7).

Subay niini gihangyo sa mayor ang mga opisyales sa barangay nga motabang sa pagpahawan sa nakababag sa sidewalk sulod sa ilang tagsa-tagsa ka hurisdiksyon.

Lakip usab sa gihangyo niini ang pag-abag sa business sector alang sa hingpit nga kalamposan sa maong lakang.

Gitataw ni Rama nga segurado nga masusama sa Singapore ang Dakbayan sa Sugbo basta dunay lapad nga kooperasyon ang katawhan. —MEL (BANATNEWS)

SIDEWALK

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with