CEBU, Philippines — Nidangop sa kapolisan ang pamilya sa usa ka trabahante sa pabrika sa Siyudad sa Mandaue nga giingong namatay sa sulod sa kalit lang miandar nga pulverize machine.
Si Police Staff Sergeant Lemar Pontillas sa Presinto 3 sa Mandaue City Police Office (MCPO) sa Barangay Basak miila sa namatay nga mao si Stephen Corilla, 32, minyo nga nagpuyo sa Siyudad sa Lapu-Lapu.
Matud pa ni Pontillas nga bisan sila nga mga imbestigador makaduha na ka higayon mibisita sa nahisgutang pabrika alang sa ilang gihimong imbestigasyon apan wala sila pasudla sa mga guwardiya niini.
Si Pontillas miingon nga nahitabo ang aksidente niadtong Hunyo 2, 2022 adlaw nga Martes.
Duha pa ka semana nagtrabaho sa maong pabrika ug nadestino sa packaging section ang namatay. Matud pa samtang didto kini sa packaging section dunay misugo niini nga kauban sa trabaho sa pagtrapo sa pulverizing machine. (BANAT NEWS)