Carnapper nasikop sa Barili

CEBU, Philippines — Nasikop sa mga sakop sa Barili Police Station ang usa ka carnapper sa may Lazaro Abad, Street, Poblacion sa maong lungsod, Lunes sa buntag. Ang nasikop naila nga si Eric Mosqueda, lumad nga taga Tondo Manila ug kasamtangan nga nagpuyo sa may Poblacion Alcoy.

Ang Hepe sa Barili Police Station , Police Captain Romeo Caacoy Jr ug personnel sa highway patrol group nga gipangulohan ni Police Captain Michael Gingoyon nihimo ug checkpoint human ang imbestigador sa Alcoy Police Station nipahibalo nga adunay motor nga gisakiyo sa ilang lungsod ug nihatag sa description usab niini.

Sa gihimong checkpoint nasikop si Mosqueda ug tukma usab ang motor nga gimaneho niini sa giingong gikawat nga motor. Ang dinakpan nga si Mosqueda gi-turn over kini sa kapulisan sa barili ngadto sa alcoy diin nahimo niini ang salaod. —MEL (BANATNEWS)